«Йыван Кырла» спектакльым Юрий Соловьевын пьесыж почеш шындыме. Тудо уста поэт да киноактерын шочмыжлан 100 ий теммыжлан пöлеклалтеш.

Спектакльын действийже 1931-1942 ийлам авалта. Лач тиде пагытыште уло тÿнялан палыме «Путевка в жизнь» йÿкан икымше совет кинофильмыште Мустафан рольжым мастарын модмыж дене Йыван Кырла тÿнямбал кÿкшытыш шуын. Тыгодымак кум почеламут сборникым луктын. 1934 ийыште «Наместник будды» кинофильмыште модын, 1936 ий ноябрь гыч 1937 ий январь марте – пашадыме, а 1 февраль гыч – Маргостеатрын артистше. Тиде ийыштак НКВД тройкын приговоржо дене 10 ийлан Карелийысе исправительно-трудовой лагерьыш верештын. Ӱмыржö 1943 ий 3 июльышто «Богословлагыште» (Йÿдвел Урал, Краснотурьинск ола) кÿрылтын.

22 ияш Йыван Кырла шкенжын лÿмжым кино да калык историйыште курымешлан коден. 28 ияш илыш-корно гыч öкымеш кораҥдалтын, а куд ий гыч марий волгенчын ÿмыржö кÿрлын. 1956 ийыште К.И.Ивановым реабилитироватлыме.

Additional information

До празднования 100-летия театра осталось