Кажне роль чонжылан лишыл
25 ноябрьыште М. Шкетан лӱмеш драме театрыште Марий Элын сулло артисткыже Алина Егошинан бенефисше лиеш.
Нимом шылташ: таче ты театрыште Алина – ик эн вӱдышӧ актриса. Кажне гаяк спектакльыште тудо тӱҥ рольым модеш. Палемдаш лиеш «Саликаште» (С.Николаев) Саликам, «Мӱкш отарыште» (С.Чавайн) Клавийым, «Ачийжат-авийжат» драмыште (М. Шкетан) Маюкым, «Шешке-шемгишкыште» (П. Захаров) Анюкым да молымат.
Мотор канде шинчан, кужу ош ӱпан самырык ӱдырамаш Шернур районысо Шӱдымарий ялыште 1977 ий июль тӱҥалтыште шочын. Марийсола школ деч вара Светлана Строганова, Артем Асмаев, Роман Алексеев да моло дене пырля Москошто М.С.Щепкин лӱмеш кӱшыл театр училищым тунем пытарен да 1998 ийыште М. Шкетан лӱмеш театрын ешышкыже ушнен.
Актер сомыл деч посна Алина чӱчкыдын радио, телевидений дене выступатла, концерт-влакым вӱда, мура. Пелашыже, Александр Бирюков, ты училищымак тунем лектын да театрыштак пырля рольым модеш. Самырык еш кок эргым: Данила ден Мишам - ончен-кушта. Яра жапыште нуно шочмо ача-ава деке кудалыт але вес кундемлаш канаш коштыт. Алина ден Александрын кок пӧлеман пачерыштым моторын сӧрастарыме, чыла вере ару, ӱстембалне тамле кочкыш пушлана, эре ласкалык озалана. Тыште озаватын надырже кугу.
«Театрыште ыштыме жапыштем бенефисым кокымшо гана эртарем. Тидлан кызыт шкеак кумылем ончыктышым. Театрын дирекцийже мый денем келшыш. Комедийым але драмым модаш кӱлмым шуко жап шонышым. Содыки ончышем-влаклан весела кумылым пӧлеклымем шуо, садлан Вячеслав Абукаев-Эмгакын «Алиса, Анфиса, Аниса» комедийжым ойырен нальым. Чыладамат 25 ноябрьыште бенефисышкем ӱжам. Кас 18 шагатлан тӱҥалеш»,- ойла артистка Алина Егошина.
А ме тудлан у деч у роль-влакым тыланена.

Ирина Степанова.

«Кугарня» газет 2011 ий 18 ноябрь

 

Афише

23 ноябрь, ИЗ
ПРЕМЬЕР
Эреҥер
Роман гыч сцене-влак
18.00 шагатлан, 12+
Билетым налаш

24 ноябрь, КГ
ПРЕМЬЕР
Эреҥер
Роман гыч сцене-влак
18.00 шагатлан, 12+
Билетым налаш

26 ноябрь, РШ
Ойырледа? Огына ойырло!
Комедий
15.00 шагатлан, 12+
Билетым налаш

29 ноябрь, ВР
Йӧратымаш да кӧгӧрчен-влак
Комедий
18.00 шагатлан, 12+
Билетым налаш

29 ноябрь, ИЗ
Кеҥеж йӱд
Музыкальный комедий
18.00 шагатлан, 12+
Билетым налаш

14 декабрь, ИЗ
Гала-концерт, посвященный
75-летию Муслима Магомаева

18.30 шагатлан, 6+
Билетым налаш

Театр касса 11.00 гыч 19.00 шаг. марте пашам ышта
14.00 гыч 15.00 шаг. марте - кечывал каныш
Билетым 78-13-78 (касса)
телефон дене бронироватлаш лиеш

Виртуальный тур

Тенийлан лӱмгече


26 октябрьыште
Марий АССР-ын сулло арт,
РСФСР-ын сулло арт.
Геннадий Копцевлан
(1942-1994) -
75 ий


4 ноябрьыште
писатель-драматург,
РФ культурын сулло пашаеҥже
Миклай Рыбаковлан
(1932-2004) -
85 ий

12 ноябрьыште
артистка
Анастасия Филипповалан
(1912-1938) -
105 ий


21 ноябрьыште
МАССР-ын калык арт.,
РСФСР-ын сулло арт.
Георгий Пушкинлан
(1907-1993) -
110 ий


30 ноябрьыште
драматург,
МАССР искусствын сулло деятельже
Николай Арбанлан
(1912-1995) -
105 ий


6 декабрьыште
МАССР-ын сулло арт.,
РСФСР-ын сулло арт.
Галина Иванова-Ямаевалан -
75 ий




 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)