Марий чечеткым куанен куштат

Шуко кутырымо деч вара  М.Шкетан лӱмеш театрын сценыштыже кодшо изарнян Чуваш академический драма театрын «Оръеҥ мелна» спектакльжым ончышна. Арсий Волковын пьесыжым марий режиссер Василий Пектеев шынден. Премьера Чебоксарыште 2004 ий 4 ноябрь¬ыште лийын.
- Шым ий модмо деч варат спектакль нигунар шолдырген огыл, икмыняр каҥашем веле лиеш,- палемдыш Василий Александрович, шке пашажым ончен лекмеке.
Тидлан ӧршаш уке, йӧратен ыштыме годым кеч-могай сомылат ушна. А «Оръеҥ мелнам» актер-влак, шижалтеш, уло кумылын модыт.  Эн ончычак, чылаштынат моткоч куштылго улмышт шижалтеш. Кугу ийготан-влакшат шкешт деч ятырлан самырык  героиньын образыштым чоҥат. РФ-ын калык артисткыже Н.Яковлева тӱҥ геройын, Селифонын, аважым моткочак оҥайын келыштара. РФ-ын заслуженный артисткыже Л.Федорова Тонян аважым шарнымашеш кода. Мый тиде кок актрисым шкенан театрыште Марий Элын калык артистше-влак Р.Макарова да О.Харитонова дене мужырлен ончышым. Кеч Ольга Федоровна шкенан «Оръеҥ мелнаште»  Глафирам модын.
Эн чот ӧрыктарышыже теве мо ыле: чувашла шындыме спектакль¬ым марий сем дене сӧрастарыме. Пошкудо республикысе актер-влак курык марий, эрвел марий, тошто марий, тӱрлӧ районласе сем почешат моткоч чолган куштат. Эше Шупашкарыш мийыме годым мо пылышыш логале: нуно мемнан куштымашым марий чечетка маныт. Посна еҥже тунам чылт марийлак тавалтен ончыктыш.
- Мый спектакльым моткоч куанен ончем,- палемдыш антракт годым Российын сулло артистше Олег Кузьминых.- Чуваш-влак кажне гана мо дене гынат ӧрыктарат. Тачат ӧрыктарышын модыт. Нуно событийым утларак кӱшкӧ нӧлталыт, ме ты шотышто вес тӱрлырак улына. Декораций пеш келша. Чаткан ыштыме.
Марий-влак унам вашлийме дене ты ганат ойыртемалтыч. Эн ончычак чекыште чуваш коллегыштым вашлийме годым марий артист-влак комедийым модыныт: маскым чиен, автобусышкышт «керылт» пуреныт, документым «тергеныт». А спектакль деч вара эше кужу жап сцена гыч колтен огытыл. Саламлымаш, поро шомак шуко йоҥген.
Каласыман, тиде кечынак чуваш-влак Марий театрыште кок гана йоча спектакльым тичмаш заллан модыныт.
Тек келшымаш кыл утыр пеҥгыдемеш. Тыгай шонымашым каласеныт пошкудо-влакым саламлен Марий Эл культура, печать да национальность паша шотышто министрын алмаштышыже В.Актанаев ден Марий Эл Кугыжаныш Погын председательын алмаштышыже А.Иванов. Нуно чуваш делегацийым вуйлатыше Г.Медведевлан Почетан грамота ден Тауштымашым кучыктеныт.
С.БЕЛКОВА.
Снимкыште: спектакль гыч ужаш. Селифон — А.Димитриев, Тоня — М.Яковлева.
М.Скобелевын фотожо.

«Марий Эл» 2011 ий 26 апрель

 

Афише

22 сентябрьыште, КГ
МАССР-ын да РСФСР-ын калык артистше Виктор Бурлаковлан — 90 ий
"Шкетан кончерын аксакалже..."
Концерт
18:00 шагатлан

7 октябрьыште, ШМ 
Трусливый заяц
Йомак
11:00 шагатлан
Билетым налаш

8 октябрьыште, РШ 
Королева гусей
Йомак
11:00 шагатлан
Билетым налаш

12 октябрьыште, ИЗ
98-ше театр тургымым почмаш
Тулар ден тулаче
Музыкальный комедий
18:00 шагатлан
Билетым налаш

15 октябрьыште, РШ
Тулар ден тулаче
Музыкальный комедий
15:00 шагатлан
Билетым налаш

17 октябрьыште, КШ
Йӧратымаш? ЙӧратымашЙӧратымаш...
Комедий
18:00 шагатлан
Билетым налаш

21 октябрьыште, ШМ
Шернур да Куженер район-влакын кечышт
Кугезе муро
Музыкальный драме
15:00 шагатлан
Билетым налаш

24 октябрьыште, КШ
Эргымлан кузык
Трагикомедий
18:00 шагатлан
Билетым налаш

26 октябрьыште, ИЗ
Роза-Розмарий
Комедий
18:00 шагатлан
Билетым налаш

29 октябрьыште, РШ
Шыже мыскара
Концерт
15:00 шагатлан
Билетым налаш

31 октябрьыште, КШ
Оръеҥ мелна
Комедий
18.00 шагатлан
Билетым налаш

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече.

Билетым  78-13-78 (касса)
телефон дене бронироватлаш лиеш.

Виртуальный тур

Тенийлан лӱмгече


22 сентябрьыште
Марий АССР-ын калык арт.,
РСФСР-ын калык арт.
Виктор Бурлаковлан
(1927-2010) -
90 ий


26 октябрьыште
Марий АССР-ын сулло арт,
РСФСР-ын сулло арт.
Геннадий Копцевлан
(1942-1994) -
75 ий


4 ноябрьыште
писатель-драматург,
РФ культурын сулло пашаеҥже
Миклай Рыбаковлан
(1932-2004) -
85 ий

12 ноябрьыште
артистка
Анастасия Филипповалан
(1912-1938) -
105 ий


21 ноябрьыште
МАССР-ын калык арт.,
РСФСР-ын сулло арт.
Георгий Пушкинлан
(1907-1993) -
110 ий


30 ноябрьыште
драматург,
МАССР искусствын сулло деятельже
Николай Арбанлан
(1912-1995) -
105 ий


6 декабрьыште
МАССР-ын сулло арт.,
РСФСР-ын сулло арт.
Галина Иванова-Ямаевалан -
75 ий




 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)