Иванова Елизавета Александровна
Елизавета Алксандровна Иванова 1951 ий 5 сентябрьыште Советский район, Алисола ялыште шочын. Кужмарий кыдалаш школым тунем пытарен. 1973 ийыште Ленинградысе Н.К.Крупская лÿмеш культура институтыш пурен. Ты вузышто шинчымашым налмеке, М.Шкетан лÿмеш Марий кугыжаныш драме театрыш пашаш толын. Тачысе кечынат тыштак артисткылан да режиссёрын полышкалышыжлан пашам ышта.
Театрыште пашам ышташ тÿҥалмекыже, икымше кечыла гычак Е.Ивановалан М.Горькийын произведенийже почеш ямдылыме «Васса Железнова» спектакльыште Лизан, Б.Васильевын «А зори здесь тихие» повестьше почеш спектакльыште Осянинан рольыштым ÿшаненыт. Тиддеч посна тÿшка сценылаштат калык ончыко лектын. Актриса тÿҥалтыш жап гыч кеч-могай рольымат – изи ма кугу -  уло кумылын ямдылен. Репертуарыштыже шагал огыл роль погынен: Ээва (А.Кицберг, «Ургызо Ыкх»), Дуняшка (Н.Гоголь, «Каче пазар»), Маюк (М.Шкетан, «Ачийжат-авийжат»), Ик ÿдыр (С.Чавайн, «Окса тул»), Анники («Калевала), Марина (К.Коршунов, «Пÿрыдымö пÿрымаш»), Марта (С.Лобозеров, «Öрдыж тулар»), Овросий (Н.Арбан, «Кем ургызо»), Полина (Э.Рисклакки, Полдалге»), Унавий (Г.Каюм, «Туларте мыйым, шеремет»), Маланья (А.Островский, «Мом кычалат, тудымак муат») да молат.
Е.Иванова комедийлаштат оҥай роль-влакым модын, тыгак йоча-влаклан йомаклаште тÿрлö образым чоҥен. М.Бартеневын «Окмак Йыван нерген йомак» спектакльыште Купеч ватын рольжым ик эн сайлан шотлыман докан.
Пытартыш жапыште Е.Иванова тÿҥ шотышто режиссёрын плышкалышыжлан тырша.
1999 ийыште Марий Эл Республикын Почётан грамотыж дене палемдалтын.
 

Виртуальный тур

Тенийлан лӱмгече

 
12 августышто
Марий АССР-ын сулло арт.
(1927-1961) -
90 ий 

 
21 августышто
парикмахерский цехым вуйлатыше
Зоя Рязанцевалан -
70 ий
 
27 августышто
Марий АССР-ын калык арт.,
РСФСР-ын сулло арт.
80 ий
 
10 сентябрьыште
Марий Элын калык арт.,
РФ-н сулло арт.
55 ий
 
22 сентябрьыште
Марий АССР-ын калык арт.,
РСФСР-ын калык арт.
(1927-2010) -
90 ий
 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)