Иванова Галина Александровна
Актриса Галина Иванова М.С.Щепкин лÿмеш Кÿшыл театр училищым (институтым) тунем пытарыме деч вара, 1998 ийыште, М.Шкетан лÿмеш Марий кугыжаныш драме театрыш пашаш толын.
Шкешотан актриса, оҥай койыш-шоктышан. Тидыжым Мольерын «Тартюфшо» почеш шындыме спектакльыште раш ужына. Тыгак тудо шке койышыжым А.Островскийын «Чодыра» комедийже почеш спектакльыштат почын ончыктен. Марий драматург Леонид Яндаковын «Йöратымаш? Йöратымаш! Йöратымаш...» комедийыштыже Ларисан рольыштыжо илышыште тыглайын шонышо ялысе ÿдырын образшым моткоч оҥайын почын пуэн. Тиде рольым актриса йöратен, куштыжо ÿдырын койышыштыжо сай могыржым палемден, куштыжо айда-лийже кумылат палдырнен.
Тыгак оҥай улыт актриса Г.Иванован А.Островскийын «Мом кычалат, тудымак муат» пьесыж почеш спектакльыште Капочка ден Машаже. Ж.Б.Мольерын «Тартюфшо» почеш «Помыш кишке» спектакльыште кок рольым модын – Марианнан да Флипоттан. Тидыжымат, тудыжымат Г.Иванова мастарын сöрастарен. Ш.Башбековын «Кум кечылан у кува» комедийыштыже Пайвикан рольжо актрисан усталыкше да мастарлыкше сайынак почылтын.
Кызыт Г.Иванован репертуарыштыже Майран (А.Попов, «Пÿрö пазар»), Анфисан (В.Абукаев-Эмгак, «Алиса, Анфиса, Аниса») рольышт улыт. Тыгак у образ-влакым чоҥымаштат актриса кумылын тырша.
 

Виртуальный тур

Тенийлан лӱмгече

 
12 августышто
Марий АССР-ын сулло арт.
(1927-1961) -
90 ий 

 
21 августышто
парикмахерский цехым вуйлатыше
Зоя Рязанцевалан -
70 ий
 
27 августышто
Марий АССР-ын калык арт.,
РСФСР-ын сулло арт.
80 ий
 
10 сентябрьыште
Марий Элын калык арт.,
РФ-н сулло арт.
55 ий
 
22 сентябрьыште
Марий АССР-ын калык арт.,
РСФСР-ын калык арт.
(1927-2010) -
90 ий
 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)