Ефимов Павел Николаевич
Марий Эл Республикын М.Шкетан лÿмеш Кугыжаныш премийжын лауреатше (2009)
Ефимов Павел Николаевич 1983 ий 1 декабрьыште шочын. 2001 ийыште Санкт-Петербургысо театр искусство кугыжаныш академийыш (национальный студий) тунемаш пурен. 2005 ийыште, актёр специальностьым налмек, М.Шкетан лÿмеш Марий кугыжаныш драма театрыш пашаш толын.
Кызыт Павел Ефимов  самырык артист-влак коклаште эн чот ойыртемалтше актёр, драма сынан рольымат, тыгак комедий шотанымат моткоч мастарын модеш. Усталыкше кечын гаяк шуаралтеш, репертуаржат пойдаралтеш.
Ойырен налме пашам йöратымыже, усталык поянлыкше, кажне образым кыртменак чоҥымыжо самырык актёрлан кушкашыже утыр полшат. Михаил Заречный (В.Розов, «Сÿан кечын»), Мичи (С.Чавайн, «Мÿкш отар»), Лузган (В.Шекспир «Кожла кокласе омо»), Херсаче (А.Слаповский «Блин-2»), Шут (А.Петров «Кронуш»), Рвезе (З.Долгова «Пысман корем») – тиде тÿҥалтыш жапыште модмо рольжо-влак улыт. 2009 ийыште П. Ефимов А.Володинын «Улыжат вич кас» драмыж почеш шындыме спектакльыште Славан рольжым модмылан Йыван Кырла лÿмеш республикысе театр премийын «Кокымшо планан эн сай пöръеҥ роль» номинацийже дене лауреат лийын.
Кажне театр тургымышто репертуарже усталыкше дене пырляк погына. М.Шкетанын «Ачийжат-авийжат» драмыж почеш шындыме спектакльыште тудо Мачукын образшым моткоч сылнын чоҥен. Самырык актёр сценыште самырык рвезын шкет улмыжым, ешыште илыш шотым сай могырыш вашталташ тыршымыжым, вашумылыдымашым чон коржын эскерымыжым да лишыл родо-тукымжылан полшаш кумылан улмыжым моткоч раш почын пуэн.
В.Регеж-Гороховын «Кугезе муро» драмыж почеш шындыме тыгаяк лÿман спектакльыште Эшполдын образшымат моткоч ÿшанлын чоҥен.
Павел Ефимовым кызыт «Марий Эл-ТВ» телекомпанийын эфирыштыжат чÿчкыдынак ужына. Тыгак концертлаште тудо вÿдышö семын тырша. Чыла тиддеч посна Театр отделенийыште сценыште шкем кучен мошташ туныкта.
2009 ийыште П.Ефимовлан М.Шкетанын «Ачийжат-авийжат» спектакльыште Мачукын образшым моштен чоҥымылан Марий Эл Республикын Театр искусствышто М.Шкетан лÿмеш Кугыжаныш премийжым пуымо.
 

Виртуальный тур

Тенийлан лӱмгече

 
12 августышто
Марий АССР-ын сулло арт.
(1927-1961) -
90 ий 

 
21 августышто
парикмахерский цехым вуйлатыше
Зоя Рязанцевалан -
70 ий
 
27 августышто
Марий АССР-ын калык арт.,
РСФСР-ын сулло арт.
80 ий
 
10 сентябрьыште
Марий Элын калык арт.,
РФ-н сулло арт.
55 ий
 
22 сентябрьыште
Марий АССР-ын калык арт.,
РСФСР-ын калык арт.
(1927-2010) -
90 ий
 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)