Бусыгин Андрей Витальевич

Шкетан лÿмеш Марий Эл Кугыжаныш премийын лауреатше (2011)


Марий Эл Республикын сулло артистше (2014)

Андрей Бусыгин Параньга районышто шочын кушкын. Школышто тунеммыж годымак художественный самодеятельностьыш коштын, драматический кружокыштат шке мастарлыкшым кумылын ончытен. Москвашке, М.Щепкин лÿмеш Кÿшыл театр училищыш, актёрлан тунемаш погымо нерген уверым колмек, шкенжым мастарлыкшым терген ончынеже улмаш. Шонымашкыже шуын – конкурсым нелылык деч посна эртен, элнан рÿдолаштыже вич ий тунемын да, 1998 ийыште театр образованийым налын, Марий театрыш пашаш толын.

М.Шкетан лÿмеш Марий кугыжаныш драма театрыште тудо шкенжым чыла велымат ончыктен: марий драматург-влакын пьесышт почеш веле огыл, руш да йот элласе автор-влакын произведеийлашт почеш шындыме спектакльлаште режиссёр-влак тудлан тÿрлö рольым ÿшанат. Тудо Лояльын (Мольер, «Тартюф», 1998), Миканор ден Мичин (М.Шкетан, «Ачийжат-авийжат», «Эреҥер», 1998), Маркан (Н.Арбан, «Кеҥеж йÿд», 2001), Романын (Ш.Башбеков, «Кум кечылан у кува», 2003), Чопайын (С.Чавайн, «Окса тул», 1998), Епин да Воман (А.Волков, «Оръеҥ мелна», «Каче-влак», 2005), Аймырын (В.Абукаев-Эмгак, «Ош кече йымалне», 2002), Чылдемырын (Л.Яндаков, «Йöратымаш? Йöратымаш! Йöратымаш...», 2002), Авдейын (Н.Дьяконов, «Молан вашлийым тыйым?», 2006) да молынат образыштым моткоч мастарын чоҥен.
Актёр А.Бусыгин поснак самырык-влакынат рольыштым модын кертеш, тыгак сылнын келыштара илалше, шоҥго-влакым. Комедий сынан персонаж-шамычым модмаште тудын мастарлыкше утларак почылтеш. Шке моштымашыжлан да мастарлыкшылан кöра «Эреҥер» (Миканор, 1998), «Салика» (Терей, 2005), «Мÿкш отар» (Ӧрöзöй, 2007), «Ачийжат-авийжат» (Мичи, 2008) спектакльлаште геройжо-шамычын койыш-шоктышыштым тÿрыс почын пуэн кертын.
А.Бусыгин – шкешотан актёр. Тудым Марий национальный театрын ик комикше Илья Россыгин дене таҥастарат: сценыште Андрей тÿрлö лийын кертеш, кажне рольышто тудо йöршеш вес койыш-шоктышан. Эреак уым кычалеш, мастарлыкшым кечынак шуара.

 

Виртуальный тур

Тенийлан лӱмгече

 
12 августышто
Марий АССР-ын сулло арт.
(1927-1961) -
90 ий 

 
21 августышто
парикмахерский цехым вуйлатыше
Зоя Рязанцевалан -
70 ий
 
27 августышто
Марий АССР-ын калык арт.,
РСФСР-ын сулло арт.
80 ий
 
10 сентябрьыште
Марий Элын калык арт.,
РФ-н сулло арт.
55 ий
 
22 сентябрьыште
Марий АССР-ын калык арт.,
РСФСР-ын калык арт.
(1927-2010) -
90 ий
 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)