Новости театра

18, 19 октябрьыште М.Шкетан лӱмеш Марий театр сценыш адакат ик у пашам луктеш. «Илена-йӱлена» спектакльым родо-тукым венгр калыкын сылнымут мастарже Чаба Секейын «Цветок шахт» пьесыж почеш шындыме. Произведенийын авторжо Чаба Секей премьерышке шкеже толаш кумылаҥын. 19 октябрьыште театрыште тудын дене вашлиймаш лиеш. Кумылан-влакым 14.30 шагатлан вучена.

Теве тудо, чон вургыж вучымо кече толын шуо – 4 октябрьыште М.Шкетан лӱмеш Марий драме театр кугу пайрем программе дене шкенжын у тургымжым почо. Тудо историеш посна пале-влак дене возалт кодеш. Икымше – пытартыш кок ий годым кеҥеж жапыште оралтым уэмден олмыктымо. Тыгайже 1961 ийыште театрым пашаш колтымо деч вара лийын огыл. Весымат рашемден кодыман: театр полат культур памятниклан шотлалтеш, сандене тудо тӱҥалтыште могай лийын, тугайым ыштыме.

3 октябрьыште Шкетан театрыште Марий Эл Республикын Кугыжаныш архивше «Театр – калыкын чонжо» теме дене йыргешке ӱстелым эртарен. Тудо М.Шкетан лӱмеш Марий национальный драме театрын 100 ияш лӱмгечыжлан пӧлеклалтын. Воштончышан фойеште архив пашаеҥ-влак театрын историйже дене кылдалтше оҥай материал-влакым вераҥденыт. Йыргешке ӱстел йыр мутланымаште РМЭ-н культур, печать да калык-влакын пашашт шотышто министр К.Иванов лийын. Театрын директоржо Э.Юзыкайн ден художественный вуйлатышыже В.Пектеев театрын тачысе кечыже, ыштышаш паша план нерген каласкаленыт.

100 ияш лӱмгече тургымым почшаш деч ик кече ончыч М.Шкетан лӱмеш Марий национальный драме театрыш Республикым Вуйлатыше А.Евстифеев толын коштын. Тудо Кугыжаныш архивын театрыште эртарыме выставкыж дене палыме лийын, вара уэмдыме фойем, залым ончал савырнен, сценысе механике кузе пашам ыштымым аклен. Мучашлан тыге иктешлен каласен: - Театрым уэмдыме пашам жапыштыже да сайын шуктымо.

Таче М.Шкетан лӱмеш Марий национальный драме театр шкенжын 100 ияш лӱмгечыж дене кылдалтше тургымжым почеш. Тиде актер, режиссер, театрын чумыр пашаче ешыжлан веле огыл, ончышо-влакланат - кугу пайрем. Тиде пайрем вашеш Россий Федерацийын Президентше Владимир Путин саламлымашан телеграммым колтен. Тушто теве кузе возымо: Пагалыме йолташ-влак! Тендам 100 ияш лӱмгече дене кылдалтше тургымым почмо дене саламлем...

Additional information

До празднования 100-летия театра осталось