Новости театра

2019 ий 29 ноябрьыште М.Шкетан лӱмеш Марий драме театр 100 ияш лӱмгечыжым палемдаш тӱҥалеш. Тенийсе чыла мероприятий тиде дате дене кылдалтын. Тышеч иктыже – «Ачийжат-авийжат» спектакль. М.Шкетанын пьесыж почеш шындыме тиде чапле спектакльым 8 июльышто артист-влак Морко район Унчо селаште модын ончыктат. Кеҥеж умыр кастене ача-ава ден икшыве-влак коклаште мо ышталтмым шке шинча дене эскераш пеш оҥай лиеш, шонена.

М.Шкетан лӱмеш театрын йӱдвел могырыштыжо «Кеҥеж сад» почылтын. Печен налме тиде кумдыкышто сценым келыштарыме, мероприятий годым теҥгылым вераҥдат. Воктенак – пеледышан клумбо. Тыште кызыт артист-влак тӱҥ шотышто турист-влакым вашлийыт. Мутлан, Пеледыш пайрем кечын Йошкар-Олан унаже-влаклан «Наследие» программым ончаш темлышт. 

 

Тиде чылажат М.Шкетан лӱмеш Марий национальный драме театрын 100 ияш лӱмгечыжлан пӧлеклалтын. 
Ий еда июнь тылзын икымше рушарнянже курыкышто куржталаш кумылан-влак Волжский районысо Шайра кундемыш погынат. Мӱшыл ер кундемыште тений 2 июньышто М.Шкетан театрын актержо ден пашаеҥже-влакат стартыш лектыт. Каласыман, нунын кокла гыч ятырынже спорт дене пеҥгыде кылым кучат. Культур пашаеҥ-влак профсоюз рескомын эртарыме спартакиадылаште эреак призовой верым налыт.

2 июньышто Волжскиий район Шайра кундемыште, кумдан палыме Мӱшыл ер (Морской глаз) воктене, йӱлаш пурышо курыкышто куржталмаш эртен. Тудо тений М.Шкетан лӱмеш Марий драме театрын 100 ияш лӱмгечыжлан пӧлеклалтын.

Российысе Театр марафон Юл кундем федерал округышто эрта. 1 майыште Казаньыште, К.Тинчурин лӱмеш ттатар кугыжаныш драме да комедий еатрыште, Театр идалык жапыште эртыше марафонын символжым РМЭ культур, печать да калык-влакын пашашт шотышто министрын алмаштышыже М.Матвеев Татарстанын культур министрже Ирада Аюповалан кучыктен.

Additional information

До празднования 100-летия театра осталось