Новости театра

15 сентябрьыште М.Шкетан лӱмеш Марий драме театрын артистше-влак Шернур район Кукнур кундемыште лийыныт, калыклан концерт программым ончаш темленыт. Тудо тысе Кугу Пӱнчер ялын шочшыжо, Марий АССР-ын калык артистше Илья Россыгиным шарнымашлан пӧлеклалтын. 24 июльышто Илья Ивановичын шочмыжлан 100 ий темын.

Театрын художественный вуйлатышыже В.А.Пектеев эртыше шочмын Усталык ушем-влакын полатышкышт погынышо-влакым у книгаже дене палдарен. Марла да рушла возымо «Мӱкш тӱня марий»/ «Человек из царства пчел» сборникыш киноповесть ден почеламут-влакым чумырымо. Ушештарена, 2010 ийыште Василий Александрович «Омо» почеламут сборникым савыктен луктын ыле.

Казаньыште тыгай лӱман фестиваль кок ийлан ик гана Г.Камал лӱмеш Татар национальный театр пелен эртаралтеш. Тудын негызеш чумырымо V тӱнямбал театрально-образовательный форумышто тений мемнан театрын пашаеҥже-влак – директор Э.Юзыкайн, тӱҥ режиссер Р.Алексеев, завлит С.Белкова, рекламе да маркетинг шотышто специалист Р.Алексеев да актер П.Ефимов - лийыныт. Шке должностьышт дене келшышын, нуно тӱрлӧ лабораторийлаште пашам ыштеныт. Семинар ден мастер-класс-влакым Берлин, Москва, Санкт-Петербург, Новосибирск, Казань олала гыч чылаже 16 педагог эртарен.

Режиссер В.Домрачев тиде кечылаште А.Волковын «Йорга вате» пьесыж почеш тыгаяк лӱман спектакльым ямдылен шуктен, художественный советлан ончаш темлен. У пашам сайлан шотлымо да калык ончыко лукташ темлыме. Лишыл жапыште тудым районлаште илыше-влак ужын кертыт.

Шомак - чапланыше марий драматург С.Николаевын «Салика» пьесыж почеш сценыште модмо спектакль нерген. Тынар жапыште тудо 11 гана угыч шындалтын. Теҥгече «Салика» дене театр коллектив 98-ше тургымым петырыш. Тиде произведенийын авторжын шочмыжлан мартыште 110 ий темын. Тургымым иктешлыме кастене ончышо-влак коклаште эн сай артистым рашемдыме шотышто йӱклымашым иктешлыме. Тушто сеҥышыш...

Additional information