«Мӱкш тӱня марий»

Театрын художественный вуйлатышыже В.А.Пектеев эртыше шочмын Усталык ушем-влакын полатышкышт погынышо-влакым у книгаже дене палдарен. Марла да рушла возымо «Мӱкш тӱня марий»/ «Человек из царства пчел» сборникыш киноповесть ден почеламут-влакым чумырымо. Ушештарена, 2010 ийыште Василий Александрович «Омо» почеламут сборникым савыктен луктын ыле.
«Мӱкш тӱня марий» произведенийыште автор 60-шо ийласе марий ял илышым, йочаж годым сӱретче лияш шонышо, ача-аважым, икымше йӧратыме ӱдыржым йомдарыше, шуко нелылыкым чытен лекше еҥын тачысе шинчаж дене сӱретла.
— Тудо пагытым мый шкеат сайын шарнем, — умылтара автор. – Повестьым лудшыла, ала-кӧжӧ ачамым, кокымшыжо шке аважым, кумшыжо пошкудым пален кертеш. Но нуным чылаштым мӱкш тӱня уша.
Чапланыше сӱретче Иван Ямбердэ театрым мӱкш омарта, а В.Пектеевым мӱкш ава дене таҥастарен, мӱкш семынак пашам ыштен, сай лектышым налаш тыланен.
Повесть кином шындаш шонымаш дене возалтын. Сандене тудо экраныш лектеш манын ӱшаныме шуэш.

 

{phocagallery view=category|categoryid=224|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}