«Йöратымаш да кöгöрчен-влак» спектакль чолга да весела. Ик сцена гыч вес сцена марте чылажат палымыла чучеш. Вет автор – Владимир Гуркин пуйто марий ялыште лийше томаша нерген возен, спектакльысе герой-влакат пошкудыла веле чучыт. Спектакль волгыдо да ÿшанле йöратымаш нерген. Тачысе илышын орава гай пöрдмö пагытыште ме шукыж годым илышын эн тÿҥжым ужде, шижде, умылыде илена. Южо ганаже шогал ончал савырнен, шке титакым умылен, шке койышнам чын аклен моштыман. Мо айдемылан эн лишыл, мо эн шерге?.. ЕШЫЖЕ! Лишыл еҥет-влак пеленет пиалан улыт гын, тичмаш пиалым шкежат шижат. Йоҥылышым ыштен да тудым тöрлен моштымаш – чынжымак, айдемын виян улмыжым ончыкта. Да угыч пöртылмö шуэш; вийым еш, лишыл еҥ-влак пуат. Лач тидын нерген тиде поро, чылалан палыме комедий.
Чыланат сайын палат, да ик гана веле огыл онченыт, тиде пьеса негызеш шындыме «Любовь и голуби» руш кином (реж. В.Меньшов). Туге гынат «Йöратымаш да кöгöрчен-влак» спектакль марий калыклан моткочак лишыл лие.
Режиссер — Роман Алексеев
Художник-постановщик — Сергей Таныгин
Композитор — Григорий Архипов
Куштымашым Татьяна Алексеева шынден
Вася — арт. Алексей Сандаков / засл. арт. РФ, нар. арт. РМЭ Иван Смирнов
Надя — арт. Светлана Филиппова / нар. арт. РМЭ Антонина Антонова
Люда — арт. Светлана Александрова / арт. Марина Трутникова
Ленька — арт. Дмитрий Воронцов / Михаил Александров
Оля — арт. Екатерина Александрова / арт. Наталия Алексеева
Митя — засл. арт. РФ, нар. арт. РМЭ Олег Кузьминых / засл. арт. Андрей Бусыгин
Эчу — засл. арт. РФ, нар. арт. РМЭ Маргарита Медикова / арт. Марина Почтенева
Раиса Захаровна — арт. Людмила Казанцева / нар. арт. РМЭ Светлана Строганова
{phocagallery view=category|categoryid=155|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}