Йӧратымаш? Йӧратымаш! Йӧратымаш…

 

Драматург Леонид Яндаковын пьесыже весела комедий радамыш пура. Марий зритель-влак тыгайжым путырак йӧратат. Театрын тиде пашажат нунылан кумылло лиеш, шонена. Спектакльыште действий кызытсе жапыште, марий ялыште эрта. Сюжет пуйто у огыл… Ола гыч толшо рвезе, ялысе ÿдыр-рвезе-влак, мыскараче кугыза, верысе коммерсант… Кажныже шке илыш умылымашыже, чон йодмыжо почеш илаш тырша. Йӧратымаш шÿртӧ чылаштым оҥай мыскара йыр пÿтыра, ваш умылыдымашымат луктеш, но неле илыш саманыштат шке шÿм-чоныштым яндарым аралаш тыршыше-влак тугаяк поро, тыматле, икте-весылан кумылло лийын кодыт.Спектакль семлан поян. Музыкым композитор Сергей Маков возен, муро шомакын авторжо – поэт Юрий Русанов. Декорацийым художник Леон Тирацуян сÿретлен. Спектакльым театрын тÿҥ режиссержо Василий Домрачев шынден.

{phocagallery view=category|categoryid=183|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}