Грозныйыш, фестивальыш
4 сентябрьыште М.Шкетан лӱмеш Марий кугыжаныш драме театр национальный театр-влакын Грозный олаште эртыше I Всероссийский «Федерация» фестивальыштышт А.Островскийын «Снегурочка» пьесыж почеш шындыме «Кӧ кечым пӧртылта» спектакльым модын ончыкта. Тудым РФ СТД Театр идалыкын мероприятийже-влак кышкарыште эртарат.
Фестиваль 11 сентябрьыште почылтеш, 18 сентябрьыште мучашлалтеш. Х.Нурадилов лӱмеш лӱмеш Чечен кугыжаныш драматический театрын сценыштыже Россий Федерацийысе 12 регион гыч театр-влак чылаже 14 спектакльым ончыктат. Фестивальыш 600 наре участникым да унам вучат.