Фестивальым марий театр-влак почыныт

Теве тудо кече толын шуо: 14 ноябрьыште Йошкар-Олаште Финн-угор калык-влакын театрыштын XII тӱнямбал «Майатул» фестивальышт шке пашажым тӱҥале. Ончышо-влаклан да жюрилан аклаш лу театр шке пашажым темла. Жанр могырым ончалаш гын, репертуарыште тӱҥ шотышто комедий ончыкталтын.
Ончымо икымше спектакль Марий Самырык театрын пашаже ыле. Тиде – марий сылнымутын классикше Майоров-Шкетанын ойлымашлаже негызеш ямдылыме «Эх, илышет, шеремет…» комедий.
А кастене М.Шкетан лӱмеш Марий драме театрыште фестивальым торжественно почмо. Марий Эл правительстве председательын икымше алмаштышыже М.Васютин ончышо ден тӱрлӧ театр гыч толшо уна-влакым Российысе финно-угор калык-влакын ассоциацийыштым вуйлатыше П.Тултаев, Марий Элым вуйлатыше А.Евстифеев лӱм дене саламлен. Тудо тыгак Шкетан театрын актрисыже Людмила Казанцева ден Марий ТЮЗ-ын актрисыже Наталья Зуеваслан «Марий Элын сулло артисткыже» чапле лӱмым пуымо нерген удостоверений ден оҥеш пыжыктыме знакым кучыктен.
Фестивальын репертуарже дене келшышын, М.Шкетан лӱмеш Марий драме театр тиде кастене А.Островскийын «Снегурочка» пьесыж почеш шындыме «Кӧ кечым пӧртылта?» лирический комедийым ончаш темлен.
Фестиваль мучко чыла спектакльым жюри онча, мучаште палемдыме номинаций-влак дене сеҥыше-шамычым ойыра.
Жюриште пашам ыштат:
1. Вислов А.А. – Москва;
2. Давлетшина Д.Г. — Уфа;
3. Ефимова Н.А. – Йошкар-Ола;
4. Игламов Н.Р. – Казань;
5. Кирсикка Моринг — Финляндия;
6. Манджиев Б.Н. – Калмыкия;
7. Федорова В.Б. – Москва.

Резолюция жюри XII Международного фестиваля театров финно-угорских народов «Майатул» 

{phocagallery view=category|categoryid=244|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}

Поделиться ссылкой:

Top