Таче кечын улам пиалан / Счастлива как никогда
Наталия Алексееван лӱмгече концертше
4 декабрь 18:00
Шкетан театр. Тӱҥ сцене
Айдемын чоныштыжо муро ила гын, тудо шулдыран кайык дене икте. Тудын чыла пашажат вораҥеш, тыгай еҥын у деч у шонымаш шочеш да илышыш шыҥдаралтеш. Тудо пиалан! Тыге каласаш лиеш М.Шкетан лӱмеш Марий драме театрын актрисыже НАТАЛИЯ АЛЕКСЕЕВА нерген. Таклан огыл шке концертшым «Таче кечын улам пиалан» манын лӱмден. Тыге палемда Наталия 4 декабрьыште 35-ше шочмо кечыжым. Да театрыште ышташ тӱҥалмыжлан лу ий теммым. Драме артист ты кастене сценыш муро дене лектын, ончаш толшо-влакым сылне сем тӱня мучко чоҥештен эрташ тарата. Тудын воктене кас мучко театрыште ыштыше йолташыже-влак лийыт – нуно дуэт дене мурат, лӱмгече озан возымо мурыжым йоҥгалтарат. Сылне мурылан поян тиде концертыш мийыше кажне еҥ тушеч шулдыраҥын лектеш манын каласаш чыла амал уло.
Наталия Алексеева – не только драматическая актриса, она еще и певица. Концертная программа под названием «Таче кечын улам пиалан» («Сегодня я счастливая») – это подарок Наталии своим поклонникам, способ выразить благодарность за их любовь и поддержку. Это возможность насладиться ее вокальным мастерством и открыть для себя новые грани ее таланта. Вечер станет не только праздником музыки и таланта, но и теплым дружеским собранием. Коллеги по театру, друзья и почитатели таланта Наталии Алексеевой соберутся вместе, чтобы поздравить ее с 35-летием и выразить свое восхищение ее творчеством. Зрители смогут не только услышать любимые песни в исполнении Наталии, но и узнать о ее творческом пути, о ее вдохновении и о том, что значит для нее сцена. Не упустите возможность стать частью этого незабываемого события! Подарите себе вечер музыки, радости и ярких впечатлений!