Событий

Иван Смирновлан - 65 ий!

Иван Смирнов, 40 ий ончыч театрыш толмекыже, икымше спектакль, икымше роль гычак ончышын кумылжым савырен. Тачат тудын лӱмжӧ зал тич калыкым пога. Уста артистын мастарлыкше «Россий Федерацийын сулло артистше», «Марий Элын калык артистше» чап лӱм-влак дене, Марий Эл Кугыжаныш премий, шуко моло премий дене палемдалтын. Но тӱҥ награде – тиде ончышын йӧратымашыже! Тудо ий гыч ийыш пеҥгыдемын толеш. А эше Иван Смирновым моткоч тале мурызо семын палена да аклена. Тудым сценыш лекме годымак зал совым кырен вашлиеш. Артистын кажне мурыжо – тиде айдемын пӱрымашыже, тудын илышыж гыч посна историй. Да кажныже колыштшын чонжым савырал луктеш, ала-куштыжо шинчавудым луктеш, ала-куштыжо шыргыжалаш тарата. 2 июльышто, 65 ийым темыме кечынже, Иван Смирнов кугу концертым эртара. Тиде кечын йӧратыме мурызылан шокшо кидсовышым пӧлеклаш да тудым саламлаш, тудлан таушташ - тиде йӧн дене пайдаланыде ида код.

Иван Смирнов, 40 ий ончыч театрыш толмекыже, икымше спектакль, икымше роль гычак ончышын кумылжым савырен. Тачат тудын лӱмжӧ зал тич калыкым пога. Уста артистын мастарлыкше «Россий Федерацийын сулло артистше», «Марий Элын калык артистше» чап лӱм-влак дене, Марий Эл Кугыжаныш премий, шуко моло премий дене палемдалтын. Но тӱҥ награде – тиде ончышын йӧратымашыже! Тудо ий гыч ийыш пеҥгыдемын толеш. А эше Иван Смирновым моткоч тале мурызо семын палена да аклена. Тудым сценыш лекме годымак зал совым кырен вашлиеш. Артистын кажне мурыжо – тиде айдемын пӱрымашыже, тудын илышыж гыч посна историй. Да кажныже колыштшын чонжым савырал луктеш, ала-куштыжо шинчавудым луктеш, ала-куштыжо шыргыжалаш тарата. 2 июльышто, 65 ийым темыме кечынже, Иван Смирнов кугу концертым эртара. Тиде кечын йӧратыме мурызылан шокшо кидсовышым пӧлеклаш да тудым саламлаш, тудлан таушташ - тиде йӧн дене пайдаланыде ида код.