У тургым, у сеҥымаш
М.Шкетан лӱмеш Марий кугыжаныш драме театр 18 октябрьыште у тургымым почеш
Ондак эн сай пьесылан ӱмаште декабрьыште увертарыме конкурсым иктешлат. Чылаже 26 паша пурен. Жюрин акше чын лийже манын, шоялӱм дене возеныт. Чын лӱмыштым ме лач иктешлымаште пален налына. Икымше верлан – 15 тӱжем теҥге, кокымшылан – лу, кумшылан – шымыт. Тыгак поощрительный пӧлек семын вич тӱжем теҥгем кучыктат.
Репертуарыште улшо спектакль-шамыч деч посна кок премьерым ужына. 18-ше числан И.Зайниевын «Поро пошкудо – пел кудо» комедийже дене тургымым почыт. 17 ноябрьыште вес премьер – А.Вампиловын «Кугэрге» комедийже – лиеш.
Тылеч посна коми драматург А.Поповын «Ӱдырым налат, маныт» комедийжым театрын тӱҥ режиссёржо Роман Алексеев шында.
Октябрьыште театр Мордовийын рӱдолашкыже, Саранскыш, кая. Тушто, «Мордва калыкын Россий кугыжанышын моло калыкше дене ушнымылан 1000 ий» пайрем дене келшышын, Национальный театр-влакын «Штатол» («Тукым сорта») всероссийский фестивальышт лиеш. Фестиваль 29 октябрь гыч 2 ноябрь марте шуйна. Тушко театр Зинаида Долгован произведенийже почеш «Ӱдыр сий» музыкальный спектакль дене кая.
Ноябрьыште Марий Эл Республикын сулло артисткыже Алина Егошинан бенефисше лиеш. «Алиса, Анфиса, Аниса» спектакльыште артисткым Алисан рольыштыжо ужына.
92-шо тургымышто тыгак Марий Эл Республикын калык артисткыже Антонина Антоновалан 50 ий (январьыште), Марий Эл Республикын калык артисткыже Ольга Харитоновалан 65 ий (февральыште) темме лӱмеш пайрем касым эртараш  палемдыме. Вес ий апрельыште режиссёр С.Кириллован шочмыжлан 80 ий темеш. Тиде кугу датым шарнымаш кас дене палемдаш шонат.
Тиде тургымышто театрын коллективше ончышо-шамычым икмыняр премьер дене куандараш шона. Апрельыште калык ончыко М.Шкетанын произведенийже почеш «Пычал лӱен» спектакль лекшаш. А июньышто К. Гольдонин «Кок озан тарзыже» комедийжым ужаш лиеш.
У тургымым тӱҥалыт гынат, гастрольым ӧрдыжыш огыт шӱкал. Ноябрь тӱҥалтыште Пошкырт кундемысе икмыняр олаш да райрӱдыш каят. Вес кундемлаш лектын кошташ Финляндийысе М.Кастрен ушем кажне ийын оксам ойыра.
У тургым почылтеш, ончышо-влакым шуко мероприятий да чапле репертуар вучат.

Вера Михайлова.

«Кугарня», 2011 ий 14 октябрь

 

affiche

21 июня /cр/ -
Премьера
Тулар ден тулаче /Сват и сваха /12+/
Начало в 18.00

29 июня /cр/ -
Премьера
Лось Ихтыго /6+/
Начало в 11.00

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел.
78-13-78 (касса).

Виртуальный тур

Anniversaries

 
12 августа - 90 лет
засл. арт. МАССР
(1927-1961) 
 

21 августа - 70 лет
зав. парикмахерским цехом
Зое Рязанцевой
 
27 августа - 80 лет
нар. арт. МАССР,
засл. арт. РСФСР
 
10 сентября - 55 лет
нар. арт. РМЭ,
засл. арт. РФ
 

22 сентября - 90 лет
нар. арт. МАССР,
нар. арт. РСФСР
(1927-2010)
 
 



 
 

If you have any questions, you can write us web@shketan.ru
MariRussian (CIS)English (United Kingdom)