Пӧртылын, модын да сеҥен

Тылеч ончыч кужу жап тиде пашам Курчак театрын директоржо Вячеслав Кузнецов виктарен. Фестивальым иктешлыше кас театр пашаеҥ-влакын ушемышкышт угыч пуртымо еҥ-влаклан  билетым кучыктымо дене тӱҥале. Тиде радамыште тӱҥ шотышто балет труппышто куштышо-влак ыльыч.
Республикысе театр коллектив-влаклан кӱшнӧ ончыктымо фестиваль моткочак вучымо да тургыжландарыше. Вет тудо ыштыме пашалан акым пуа, сай ден ситыдымашым палемда.  Тений Марий Элын калык артистше Владимир Актанаевын вуйлатыме жюри член-влак коклаште Санкт-Петербург гыч лӱмлӧ  критик Мария Смирнова-Несвицкая лийын. Спектакль-шамычым тӱрлӧ могырым аклаш шкенан специалист-влак полшеныт. Жюри чылаже 17 спектакльым ончен.
- Ыле мом ончаш, ыле мом аклаш,- палемден Марий Эл правительство вуйлатышын алмаштышыже, культура, печать да национальность паша шотышто министр М.Васютин. - Тудын тений ойыртемжат лийын. Икымше: у экспериментальный усталык ушем шочын. Мутлан, курчак театрын актержо-влак драматический спектакльым ямдыленыт. Кокымшо: самырык актер-влак, коллективыш погынен,  спектакльым ямдыленыт, фестивальыште шкешт нерген каласеныт. Тиде Санкт-Петербургысо Театр искусство академийыште тунемше-влакын "Прекрасное далеко" пашашт ыле.
Михаил Зиновьевич икмыняр правительственный наградым кучыктен. Эн куандарыше уверже семын Марий самырык театрын актержо Игорь Актугановлан Марий Элын сулло артистше лӱмым пуымым шотлыман. Чынжымак, тыгай кугу акым тудо сай пашаж дене сулен.  А Марий Эл Кугыжаныш Погын вуйлатышын алмаштышыже А.Н.Иванов республикысе чыла театр коллективлан Тауштымо кагазым кучыктен.
Чыла тиде тӱҥалтыш веле лийын. Погынышо-влак чытен-чытыде тӱрлӧ номинаций дене ойыртемалтше-влакым палемдаш тӱҥалмым вученыт. Но, йӱла почеш, эн кугу наградым пуымо татым эн мучашлан кодат. Ты ганат тыгак лийын. Эн ончыч сценыш специальный призым налше-влак кӱзеныт. Нунылан тудым палыме да пагалыме актер, театр дене кылдалтше моло еҥ кучыктеныт. Теве номинацийым увертарат: кызытсе драматургийыш пыштыме усталык пашалан. Тудым драматург Геннадий Гордеев сулен. Геннадий Филимонович  Марий самырык театрын тичмаш налмаште драматург-влакым куштымо шотышто кугу пашаж нерген палемдыш. Сценылан ончыкылык тукымым куштымаште Дмитрий Лавров (Культура да искусство колледжын преподавательже), кызытсе драматургий дене моштен пашам ыштыме шотышто Курык марий театрын коллективше, театрлан ӱшанле улшо актер семын Людмила Аксенова (Руш драмтеатр) посна приз дене палемдалтыныт.
Шуко спектакль, шуко актер паша гыч эн сайжым ойырен налаш куштылго огыл манын, тӱҥалтыштак палемдыме ыле. Вет коллектив-влак эн сай постановкыштым ончыкташ тыршеныт. Сандене ик номинаций денак ончыч икмыняр кандидатурым ойыреныт, тушеч - сеҥышым. Тений туге ыштыме: чыла номинантым сценыш луктыныт. Сеҥышылан дипломант семын наградым кучыктеныт гын, молышт дипломант лийыныт.
Театрыште гран-прим сеҥен налше эн пытартышлан пале лийын гын, ме газет страницыште  палемдалтше-влак спискым лач тышеч тӱҥалына.
Ты фестивальын эше ик йолташыже уло. Тиде - Марий технический университет гыч  Сергей Лялин. Тудо шке премийжым тӱҥалше да ончыкылан сай ӱшаным пуышо актер-влаклан кучыкта. Эн ончыч тудын лауреатше таче Российын сулло артистше лӱмым сулен налше Олег Кузьминых лийын. Тиде гана Лялинский приз М.Шкетан лӱмеш театрын актержо Павел Ефимовлан логале. Каласыман,  тиде коллектив фестивальыште моткоч тӱвыргӧ саскам поген, ятырын лауреат лӱман лийыныт. Поснак куаныме шуэш Юрий Валерьевич Алексеев верч. Тудо ятыр ий кучем органыште ыштыме деч вара сценыш пӧртыльӧ да моткоч чапле рольым чоҥыш. Манмыла, пӧртылын, модын да сеҥен. Ӱшанена, тудо моло спектакльыштат модаш тӱҥалеш.
Театр пашаеҥ-влаклан пӧлеклалтше пайрем программым тӱҥ шотышто Э.Сапаев лӱмеш опера да балет театрын артистше-влак сӧрастареныт.
Светлана Белкова.

«Марий Эл» 2011 ий 26 март

 

affiche

23 ноября, ЧТ
ПРЕМЬЕРА
Эреҥер
Сцены из романа
Начало 18.00, 12+
Купить билет

24 ноября, ПТ
ПРЕМЬЕРА
Эреҥер
Сцены из романа
Начало 18.00, 12+
Купить билет

26 ноября, ВС
Развод по-марийски/Ойырледа? Огына ойырло!
Комедия
Начало 15.00, 12+
Купить билет

29 ноября, СР
Любовь и голуби/Йöратымаш да кöгöрчен-влак
Забавная история
Начало 18.00, 12+
Купить билет

30 ноября, ЧТ
Летняя ночь/Кеҥеж йӱд
Музыкальная комедия
Начало 18.00, 12+
Купить билет

3 декабря, ВС
Юбилейный концерт
Ансамбля песни и танца

"ДОНБАСС"
Начало 15:00, 6+
Купить билет

6 декабря, СР
Салика
Музыкальная комедия
Начало 18:00, 12+
Купить билет

8 декабря, ПТ
Сон в летнюю ночь/Кожла кокласе омо
Комедия
Начало 18:00, 12+
Купить билет

9 декабря, СБ
Лесная сказка
Сказка для детей
Начало 11:00, 0+
Купить билет

10 декабря, ВС
ПРЕМЬЕРА
Эреҥер
Сцены из романа
Начало 15:00, 12+
Купить билет

13 декабря, СР
Коварство и любовь/Осал чоялык да йöратымаш
Трагедия
Начало 18:00, 12+
Купить билет

14 декабря, ЧТ
Гала-концерт, посвященный 75-летию Муслима Магомаева
Начало 18.30, 6+
Купить билет

16 декабря, СБ
Вечер Землячества
восточных марийцев

Крестница/Кресудыр

Грустная комедия
Начало 15:00, 12+
Купить билет

24 декабряВС
Новогодний патруль
Интермедия для детей
Начало 10:00, 0+
Купить билет

28 декабря, ЧТ
"Желая счастья, приходит Новый год"/"Сöрен пиалым, толеш У ий"
Новогодний концерт
Начало 18:00, 12+
Купить билет

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел.
78-13-78 (касса).

Виртуальный тур

Anniversaries


26 октября - 75 лет
засл. арт. МАССР,
засл. арт. РСФСР
Геннадию Копцеву
(1942-1994)

4 ноября - 85 лет
писателю-драматургу,
засл. работнику культуры РФ
Миклаю Рыбакову
(1932-2004)

12 ноября - 105 лет
артистке
Анастасии Филипповой
(1912-1938)


21 ноября - 110 лет
нар. арт. МАССР,
засл. арт. РСФСР
Георгию Пушкину
(1907-1993)


30 ноября - 105 лет
драматургу,
засл. деятелю искусств МАССР
Николаю Арбану
(1912-1995)


6 декабря - 75 лет
засл. арт. МАССР,
засл. арт. РСФСР
Галине Ивановой-Ямаевой




 
 

If you have any questions, you can write us web@shketan.ru
MariRussian (CIS)English (United Kingdom)