Финно-угор калык-влакын театрыштын XII тӱнямбал «Майатул» фестивальышт кышкарыште М.Шкетан лӱмеш Марий национальный драме театрыште 12-15 ноябрьяште драматург-влаклан семинар эрта. Тидлан проектым Финляндий гыч театр искусство, драматургий дене кылдалтше еҥ-влак возеныт. Нунак семинарым вӱдат. Тиде Элли Сало — драматург, писатель, национальный радион пашаеҥже; Хинриикка Линдквист – театровед. Финляндийысе писатель ушемын еҥже (драматургий секций); Кирсикка Моринг – театр критик, журналист. Переводчик семын писатель, драматург. Карелийысе национальный театрын тӱҥ режиссержо Сергей Пронин пашам ышта.
Семинарын темыже тыгерак йоҥга: «Мыйын историем, тукым-влак кокласе кыл».
Тиде семинар шке йырже драматург, поэт-писатель, журналист-влакым чумырен. Нуно тӱҥ шотышто Марий Эл гыч улыт. Тыгак Коми гыч писатель Нина Обрезкова ушнен.
Ик ӱстел йыр погынышо-влак, тӱрлӧ оҥай йодышым рашемден, шке историйыштым возат, вара тудым тӱшкан каҥашат. Семинарыште пеш поро шӱлыш озалана.
{phocagallery view=category|categoryid=243|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}