Кугу Отечественный сарыште совет калыкын сеҥымашыжлан ӱмаште 65 ий темын. Тидын вашеш театрна лӱмынак «Дорогами войны» сылнымут да сылнысем композицийым ямдылен ыле.
Икымше гана тудым 2010 ий 18 мартыште ончыктымо. Тунам Марий кугыжаныш университетын студентше-влак Миклай Рыбаковын «Морко сем», Константин Коршуновын «Шарнет мо, Элиса?» спектакльла гыч ужаш-шамычым, Александр Твардовскийын «Василий Тёркин» поэмыже да моло произведений гычат театрализоватлыме представлений-шамычым, Марий Эл гыч Совет Ушем Герой-влак нерген каласкалымым, сар жапысе муро-шамычым шӱм вургыжын, кугу кумылын колыштыныт да онченыт, кӱкшӧ акым пуэныт да кажныже коча-коважым, моло родо-тукымжым шарналтен. Композицийын тачысе кечын самырык тукымым шочмо элым, кундемым йӧратен куштымаште, шкенан историйнам келгынрак шымлаш таратымаште кӱлешлыкше моткоч кугу.
Композицийын режиссёржо – Алексей Ямаев.
Композицийым ончаш кумылда лектеш гын, 45-16-04 номеран телефон дене йыҥгыртен рашемден кертыда.
{phocagallery view=category|categoryid=18|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}