Комедий.
Мо нерген вара тиде спектакль?
Эн ондак каласена: путырак весела музыкальный комедий. Пьесын вуймутшо гычак коеш: тÿҥ герой-влак ÿдыр-шамыч улыт. Эше ешарена: кум акак-шÿжарак. Ялысе вате-марий Йосип ден Маринан кум икшывыштат вуеш шуыныт. Эн кугуракше – туныктышо Аниса – пырля пашам ыштыше завучлан марлан лекташ ямдылалтеш. Но кугу акан пелаш лийшашыже але шукерте огыл гына тудын шÿжарже Анфиса дене келшен. А ешыште эн изи ÿдыр – медколледжын студенткыже Алиса – каникуллан толшыжла ялышке кугу уверым конда: Анисан шукертсе икымше йöратымашыже, мÿндыр плаванийын капитанже Тимофей отпускыш пöртылеш.
Унала толшо капитаным иканаште Анфисат, Алисат йöратен шындат. Тыгодымак Анисан чонешыжат икымше йöратымашыже угычын ылыжеш. Кузе вара кум ака-шÿжар ик качым пайлаш тÿҥалыт, завуч Александр Ивановичын койыш-шоктышыжо мо семын почылтеш? Чын йöратымашын акшым палаш моряк Тимофейын кенеташте «атипичный пневмоний» дене черланымыже рашемден пуа…
——
У Иосифа и Марины выросли три дочери. Старшая – учительница, 26 лет. Средняя – продавщица сельского магазина, 20 лет. Младшая – студентка медколледжа, 18 лет, которая приехав на каникулы, приносит весть о том, что капитан 3-го ранга Тимофей приехал в отпуск и решил навестить свою первую любовь Анису. Но Аниса буквально сосватана за завуча школы Александра Ивановича, который, кстати, до этого дружил с Анфисой. Начинается своеобразный любовный треугольник между тремя сестрами. Обе младшие сразу влюбляются в капитана дальнего плавания, но настоящая любовь доказывается именно тогда, когда Тимофей вдруг «заболевает» (он приехал из Китая) «атипичной пневмонией». В сюжете интересен еще тот факт, что муж Марины в молодости дружил с ее сестрой Эльвирой (фельдшер в деревне), но женился наоборот. Казалось бы, история повторяется через поколение, но Аниса и Тимофей верны друг другу и в итоге сосватанная невеста возвращается к своей первой любви.
Режиссер-постановщик — нар. арт. Чувашии Н. Корчаков.
Художник-постановщик — С. Таныгин