Театрыште ыштыше чыла еҥым тиде пайрем дене шокшын-шокшын саламлена. Усталык пашаште у деч у кӱкшытым, чапле шонымашым, тудым илышыш шыҥдараш сай йӧным тыланена.
Марий Элысе театр пашаеҥ-влакын профессионал пайрем касышт таче 17 шагатлан Э.Сапаев лӱмеш Марий кугыжаныш академический опер да балет театрыште тӱҥалеш. Тушто ты кечылаште эртыше «театральный Йошкар-Ола» фестивальым иктешлат, тӱрлӧ номинацийыште ойыртемалтше-влакым Йыван Кырла лӱмеш театр премий дене палемдат.
27 март – Театрын тӱнямбал кечыже
