{phocagallery view=category|categoryid=253|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}
Театр пашаеҥ-влаклан у ий тӱҥалын манаш лиеш: 13 декабрьыште Россий Федерацийысе чыла регионышто Театр идалыкым торжественно почыныт. Марий Элыште тиде пайрем Э.Сапаев лӱмеш опер да балет академический театрыште эртен. Погынышо-влакым РФ президентын Юл кундем федерал округышто полномочный представительже И.Комаров, Марий Эл вуйлатыше А.Евстифеев саламленат.
Театр-влакын вийышт дене тидлан чапле программым ямдылыме. М.Шкетан лӱмеш Марий драме театр сценыш «Вий-ар – ме» рок-опер, марий сылнымутын классикше С.Чавайнын «Элнет» романже почеш шындыме тыгаяк лӱман спектакль гыч ужаш-влак дене лектын. Залыш погынышо калык В.Регеж-Горохов ден И.Егоровын возымо «Элнет» мурыжым поснак шокшын вашлийын. Мемнан артист-влак тудым опер мурызыжо-влак дене пырля йоҥгалтареныт.
Театр искусство дене кылдалтше чыла еҥым Театр идалык тӱҥалме дене саламлена.