Шкетан театрын У ий пӧлекше

Тиде пӧлекше – А.Волковын пьесыж почеш шындыме «Оръеҥ мелна»   спектакль.  Тиде весела комедийым  14 гыч 17 декабрь марте  Марий драме театрын артистше-влак  Киров областьысе  Пойса,  Кинер, Китяк  яллаште, Уржум олаште, Татарстанысе Улисъялыште,  шкенан республикысе Марий Турек район  Арборышто, Сардаялыште да Мосараште модын ончыктат.

Тиде гана сценыш  Маргарита Медикова, Антонина Антонова, Андрей  Бусыгин да моло актер-влак  лектыт.

Спектакль деч вара Марий касыште  ончаш толшо-влак  артист-шамыч дене шинчаваш ончен  мутланен, пырля шогалын муралтен да кушталтен кертыт.  Тыгак  тӱрлӧ пӧлекым модаш тӱҥалыт.  Тора кундемыште илыше родына-влакым  чынжымак  пиалан  да кужу жаплан шарнаш кодшо вашлиймаш-влак вуча.

{phocagallery view=category|categoryid=85|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}