Пресса
"Шылже огыл гынат, чапле пареҥгыже лийын шуктенам",

- ойла Марий Элын сулло артистше Артём Асмаев.
Кодшо кугарнян да шуматкечын, 24 ден 25 февральыште, М.Шкетан лӱмеш Марий кугыжаныш драме театрыште сценыш Марий Элын сулло артистше Артём Асмаев лекте. Тудо «Улыжат вич кас» да «Роза-Розмарий» постановкылаште модо.
Кок спектакльжымат ончаш мийышым. Артём калык ончык тургыжланенрак лекте. Но вара тыгела модо, пуйто ты театр гыч каенат огыл: чоным пыштен, кумыл нӧлтын, уло вийым пуэн. Пеҥгыде туп-вачан, кӱкшӧ капан, чапле йӱкан артистнам шукертак сагыненна ыле.

«Кугарня», 2012 ий 2 март

Сцена илыш: Шинчаже тачат йӱла

Актёрын могай улмыжым аклыме ик пале – шинча. Сценыште тудо йӱла гын, тугеже тиде чынжымак артист, маныт. Марий Элын калык артисткыже Ольга Харитонован шинчаже тачат торашкак волгалтеш.  Тугеже тудо, чынжымак, геройжын илышыж дене ила, тудын чонышкыжо пурен,  рольым чоҥа. Чын, кодшо изарнян «Йӧратымаш? Йӧратымаш! Йӧратымаш…» (Л.Яндаков) спектакльыште молгунамсе деч ойыртемалте, шижмашым шылтенрак модо. Амалжым  варарак шкежат умылтарыш...

«Марий Эл», 2012 ий 18 февраль 

 

Родо-тукым кыл/ Марий ден коми калыкым сцена ушен

Кодшо кушкыжмын, 31 январьыште, М.Шкетан лӱмеш марий национальный театрыште эртыше касым иктешлен, тиде кечым Марий Элыште Коми культурын кечыже семын палемдаш келшен толеш. Тудо сценыште коми драматург А.Поповын пьесыж почеш шындыме «Эх, кушто ӱдырым муаш?» спектакльын премьерыжым модын ончыктымо дене кылдалтын ыле.
Ончаш толшо калыкым воштончышан фойешке театр мучко йоҥгалт кайыше гармонь сем шупшыльо. Тушко ӱдырамаш-влакын шыма да яндар йӱк дене мурымышт ушныш. Тиде «Сипертас» фольклор коллективын самодеятельный артистше-влак коми калык мурым йоҥгалтареныт. Тыште тыгак пошкудо-влакын тӱрлӧ савыктышыштым налаш йӧн лийын. А фотохудожник-влакын изирак выставкышт йӱдвел кундемыште илыше родына-влакын илышышт гыч посна тат-влакым почын пуэн.

"Марий Эл", 2012 ий 2 февраль

Драматург из Коми призовёт марийцев жениться

31 января столице республики Марий Эл Йошкар-Оле пройдёт День Республики Коми.
В национальном театре драмы им. М.Шкетана состоится премьера спектакля «Эх, кушто ÿдырым муаш?» ("Женись, сынок, женись») по пьесе коми драматурга Алексея Попова.
Перед началом спектакля перед зрителями выступит фольклорный коллектив села Нившера «Сипертас».

Независимая газета Республики Коми "Красное знамя", 25 января 2012 г.

Пел курымаш лӱмгечылан – 50 роль

А.Луначарский лӱмеш театральный искусство институтым 1985 ийыште тунемын пытарыше марий студийын актержо-влак пел курымаш юбилей деке лишемыт. Марий Элын калык артисткыже Антонина Антонованат тыгай лӱмгечыже 31 январьыште лиеш. Российын калык артистше П.О.Хомскийын вуйлатыме ты студий, палемден кодыман, моткочак ойыртемалтше лийын. Актер семын нунын кокла гыч кажныже – весын дене таҥастараш лийдыме мастар.

«Марий Эл» газет 2012 ий 28 январь

«Шарнен, огына лий ойган…»

Эртыше кугарнян Марий Элын калык, Россий Федерацийын сулло артисткыже Маргарита Медикова М. Шкетан лӱмеш Марий национальный драма театрын изи залыштыже «Шарнен, огына лий ойган…» сылнымут касым эртарен.
Сылнымутым лудшылан пӧлеклыше-влак кокла гыч Маргарита Егоровна – ик эн устан пашам ыштыше актриса. Тудын чон кӧргыштыжӧ А. Пушкинын, С. Есенинын, М. Цветаеван, А. Ахматован почеламут аршашыт илат. Марий писатель-влакын возымышт дене тудо поснак кугу пашам ышта.

«Марий Эл», 2012 ий 17 январь 

Мемнан деке унала

М.Шкетан лӱмеш национальный драма театрын артистше-влак идалык жапыште театрлан полышым пуышо спонсор-влаклан, тыгак марий радио ден газетлаште тыршыше журналист, моло пашаеҥлан У ий пӧлекым ыштеныт.
Тидланже артист-шамыч моткоч оҥай йӧным муыныт. Йӱштӧ Кугыза ден Лумӱдыр лийын, рольым оҥайын модын, саламлыме поро мутыштым ойленыт.
«Марий Эл» газет редакцийышкат У ий дене саламлаш Йӱштӧ Кугыза ден Лумӱдыр унала толыныт ыле.

"Марий Эл", 2012 ий 5 январь

Генрих артист лийнеже

Москва оласе М.Щепкин лӱмеш кӱшыл театр училищын марий студийышкыже тений 20 еҥым тунемаш налыныт. Нунын коклаш мыйын Генрих изам логалын.
Изам Калтаса районысо Тошто Яш школым чыла «визытанлан» тунем пытарен. Вара Благовещенскысе педколледжын марий пӧлкаштыже шинчымашым поген. «Келшымаш» ансамбльыште куштен. Духовой оркестрышкат коштын, труба, шиялтыш дене шоктен, армийыштат военный оркестрыш коштын. «Юнкор» кружокышто чолгалыкшым ончыктен.

«Кугарня», 2011 ий 23 декабрь

«Уло вийым, усталыкым пуэн, рольым модмем шуэш»

ойла М.Шкетан лӱмеш национальный драма театрын актёржо, Марий Элын сулло артистше Юрий Алексеев. У ий вашеш тудын дене мутнам уло кумылын вашталтена
Юрий Валерьевичын, ГИТИС-ым 1969-1973 ийлаште тунем лекше моло артистын семынак, театр илышыже тыглайжак огыл. Актёр рӱдӧ марий театрыште «Морко сем» драмыште, «Ачийжат-авийжат» спектакльыште, «Савик» комедийыште, тыгак тӱнямбал классика гыч «Лир кугыжа», «Вуянче ава ден шочшыжо-влак» да шуко моло спектакльыште тӱҥ рольым чоҥен. Илыш шолын, усталык памаш йыргыктен да йыргыктен.

"Марий Эл", 2011 ий, 31 декабрь

Калыкын чон поянлыкше

Марий театрын шочмыжлан 29 ноябрьыште 92 ий теме. Тиде жапыште кужу да неле корным эртыме. Тудын посна савыртышлажым тачысе кӱкшыт гыч ужаш газетын тиде лаштыкышкыже чумырымо увер-влак икмыняр полшен кертыт, шонена.
Тений кеҥежым Наркомпрос, марий калыкынат шке йылмыж дене театрже лийже манын, кызыт ныл тылзылан 236040 теҥгем пуэн… Марий-шамыч! Тыгань пашашке йывыртен-куанен пураш шоныза. Тиде театрым ыштен шуктена гын, вара тунам марий калыкат шке тошто илышыжым сценыште ужешат, сай илышыш возеш.

"Марий Эл", 2011 ий 24 декабрь



Страница 6 из 11

Афиша

3 мая /ср/ -
Ух, пӧръеҥ-влак! 
Концерт /12+/
Начало в 18.00
Купить билет 

12 мая /пт/ -
Юбилейный концерт 
Анатолия Николаева /12+/
Начало в 18.00
Купить билет 

18 мая /чт/ -
Премьера
Тулар ден тулаче /Сват и сваха /12+/
Начало в 18.00
Купить билет  

21 мая /вс/ -
Нар. арт. РМЭ Светлана Строганова: 
У меня сегодня день рождения
Концерт  /12+/
Начало в 15.00
Билеты в кассе театра

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел. 
78-13-78 (касса).

Виртуальный тур

Задай свой вопрос!

Нажмите на изображение, чтобы его изменить

Юбилейные даты


23 марта - 90 лет
засл. арт. МАССР, засл. арт. РСФСР
(1927-2014) 
 
23 апреля - 85 лет
засл. деятелю искусств МАССР,
нар. арт. РМЭ
(1932-2009) 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)