М.Шкетан л?меш Марий национальный драма театрын кызытсе зданийжым 1961 ийыште почмо. Тудо кугыжаныш к?кшытан культура да архитектура памятник. Сандене 2009 ий гыч кугыжаныш арала. Кодшо кечылаште тидын нерген ушештарыше о?ам театр зданийын пырдыжышкыже вера?дыме.
Шарнымаш о?ам сакымашке М.Шкетан л?меш театрын артистше-влак, культура поянлыклан шотлалтше объектым аралыме да кучылтмо шотышто управленийын начальникше А.И.Хват  да молат лийыныт. Т?? режиссер Р.Алексеев театрын историйже дене к?чыкын палдарыш.
- Ты оралтым кугыжанышын аралымыж нерген ушештарыше о?ам сакыме дене гына серлагыман огыл, - ойлыш Александр Иванович . – Историйым перегыман. Вет архитектура памятник тукым-влакым лишемда, ушен шога. Тений Марий Элысе культура объект-влакым  аралыме да переген кучылтмо пашалан республикын бюджетше гыч 300 миллион те?гем ойырымо. Тиде окса дене Ежово селасе Мироносицкий монастырьыште, Юриныште граф Шереметевын замокыштыжо реставрацийым ыштыме. Мут толмашеш, шушаш ийын замоклан 200 ий темеш.  Тыгак марий литературылан т??алтышым ыштыше С.Чавайнын Йошкар-Олаште илыме п?ртыштыж? реставрацийым да тудын йыр Изи Какшан серыште кумдыкым т?затыме пашам шукташ кучылталтшаш.

М.Скобелев.
Авторын фотожо.

"Марий Эл", 2011 ий 10 декабрь

Additional information

До празднования 100-летия театра осталось