Имне дене куралме годым шеҥгек ит ончо — кашет тӧр ок воч

Тачысе «АРСЛАНЫН» пагалыме унаже —  М.Шкетан лӱмеш Марий национальный драма театрын директоржо Юрий Русанов. Тудын дене тыгай мутланымаш лие: -Пӱртӱсшак тыге пӱрен: илышым эртараш ӱдырамаш шкан келшыше пӧръеҥым ойыра, пӧръеҥ — ӱдырамашым… Юрий Петрович, тендан шонымаште, ӱмыр йолташым ойырымо годым шуко пӧръеҥже эн чӱчкыдын могай йоҥылышым ышта?
— Илышым йоҥылыш деч посна нигузе эртараш ок лий, очыни. Иканаште тидым от пале, но варажым жап ончыкта. Вес велым ончалаш гын, тыгай калыкмут уло: «Имне дене куралме годым шеҥгек ончыман огыл — кашет тӧр ок воч». Сандене, кузе илем манын, эреак чаманен шеҥгек ончаш тӱҥалат гын, ончыкшат каен от керт: шӱртнет, камвозат…  А камвочмеке, кынелаш эре неле, но вийым муман. Йӧратымаш нерген ойлаш гын, пелашым ойыраш ок лий докан. Кузе Юмо пӱрен, туге лийшаш: ужынат, йӧратенат… Мемнан вашлиймаш студент жапыште тӱшкагудышто лийын. Пелашлан ойырымо годым шонкалыме огыл: йӧратыме да налме. Очыни, тудат мылам марлан лекме годым моланжым шонен огыл.
— Вес семын ойлаш гын, йӧратет ала-молан огыл, просто йӧратет…
— Тыгай притча уло. Пеш ожно мланде ӱмбалне кок чурийвылышан, но ик капан айдеме-влак иленыт: ик капыште пӧръеҥын да ӱдырамашын чурийышт. Ойлат, пуйто нуно моткочак виян, ушан лийыныт. Юмет ужеш: нигӧ деч нимом огыт йод, огыт вурседыл, огыт сӧрвале, чылажат нунын шот дене лектеш. «Тыге огыл, — шонал- та тудо. — Пеш келшен илат, мый декемат шуыт. Ойырыман — тек шке пелыштым ӱмыр мучко кычал коштыт. Кӧ муэш, чынжымак, пиалан айдеме лиеш, а кӧ ок му — пиалдыме». Чынжат уло. Шке пелыжым, пелашыжым, мушо айдеме гына пиалан лиеш. А кузе тудым муат, кужун кычалын але вашке — вес паша.
— Нина пелашда дене 20 ий утла иледа. Тендам тудо ондакат да кызытат мо дене ӧрыктарен да ӧрыктара?
— Таче кечынат мый тудлан ӱшанем. Ик ешыште икгай, мутлан, икгай чытамсыр, икгай шуко ойлышан, айдеме лийын ок керт да лийшашат огыл. Ик вынемыште кок маска илен ок керт манын, арам огыл ойлат. Тиде чынак. Пелашем мыйым ӧрыктара яндарлыкше, чын улмыж дене. Йоҥылыш деч посна илаш ок лий манын каласышым. Очыни, пӧръеҥын вӱрышкыжак тыгай шижмаш пышталтын: тудо тӱрыс чын илен ок мошто. А ӱдырамаш шке яндарлыкше дене ойыртемалтеш да тиде тыгак лийшаш.
— Ешыштыда эрге ден ӱдыр кушкыт. Нунын кушмыштым ончен, ушышкыда могай шонымаш эн чӱчкыдын пура?
— Ӱдырамаш могай шижмаш дене ила, пӧръеҥлан тичмашнек умылаш пӱралтын огыл. А эрге шотышто каласен кертам: кудо йоҥылыш деч утлен кертеш, тудын деч утаралт кодшо манын шонем. ™дырем дене таҥастарымаште, эрге мылам утларак почылтеш, молан манаш гын тудым пӧръеҥ семын утларак умылем. Ӱдырамашланат пӧръеҥым тичмашнек умылаш пӱралтын огыл. Мутлан, тудо мый кузе шонем, туге лийшаш манын шона. Шонаже чын, но пӧръеҥ изиш вестӱрлырак, сандене чылажак ӱдырамашын шонымо почеш лийын ок керт.
— Пытартыш ийлаште шагал огыл ача эргыжым салтак радамыште ынеж уж, эсогыл армийыште лийшыжат. Теат тыгай шонымашан улыда?
— Йӧршынат тыге огыл. Ялыште тыге лийын: армийыш каен отыл гын, тичмаш пӧръеҥ отыл, тугеже тыйын ала-можо ок сите.  Сандене «тушко садак миен толман» шонымаш изинекак ушыш шыҥдаралтын. «Де- довщина» дене да мойн лӱдыктылыт… Кунам тидым чытен лектат, лӱдыкшын ок чуч. Тыгай тергымашымат кажне пӧръеҥ эртышаш.
— Ача семын эрге жал огыл?
— Мутат уке, кунар-гынат чаманет. Но вет чын пӧръеҥ лияш ача-ава пелен гына кушмо шагалрак. Шошым икымше гана кӱтӱш презым, эрыкым шижын, орен ынже кудал манын, вӱраҥлен луктыт. Сандене ик-кок ияш армий корным эртен, айдеме дисциплинылан тунемеш, ача-ава пелен тидлан тунемаш ок лий. ™дырамашлан тидым умылаш неле: нунын кокла гыч мынярын армийым эртеныт? Конешне, шагал. Ятыр пӧръеҥ мый денем келша, шонем. Армий деч вара айдеме илышым чынрак умылаш тӱҥалеш, сандене ача семын чаманет гынат, колтем ыле, кеч пелашем тореш.
— Тачысе марий ӱдырамашын койышыжым сӱретлаш пуат гын, могай мут-влакым кучылтыда ыле?
— Мут-влакым огыл, илыш сӱретым кучылтам ыле. Ончалза, кокланже тыге чучеш, пуйто марий коклаште патриархат лиймылан кугу ӱшан уке. Лийын гын, тудо жап гыч пӧръеҥ-влакын чоныштышт ала-могай кыша кодшаш ыле, туге? Но шукыж годым тачысе марий пӧръеҥ марий ӱдырамаш деч посна йомеш ыле… Айста  тиде йодышым вес семын савыралына: марий ӱдырамашым могайым сӱретлынем ыле?
— Вес семын каласаш гын, могайым те ужнеда, туге?
— Эн ончычак, ӱдырамашын койышыштыжо яндарлыкым ужнем. Тидын деч посна чыла молыжо — пуста вер. Ужнем ӱшанлым, пӧръеҥым пагален, аклен да йӧратен моштышым. Кеч-могай калыкым ышта ӱдырамаш.
— Юрий Петрович, содыки, ӱдырамашлан келшаш манын, пӧръеҥ мом ыштышаш? Можыч, келшаш тӧчашыжат ок кӱл?
— Мый тидымак ойлынем ыле: келшаш тӧчыман огыл. Тыгай правил, рецепт уке. Адакшым молан пӧръеҥ келшаш тӧчышаш, а ӱдырамаш огыл? Тидат тӱҥ огыл: илыш чылажымат веран-верыш шында.
— «АРСЛАНЫН» пытартыш йодышыжо: тендан шонымаште, пӧръеҥ-  влаклан лаштыкым ӱдырамаш ямдылышаш але содыки пӧръеҥ?
— Иктым каласем: ӱдырамаш пӧръеҥ нерген тунар пала, эсогыл шкеж нерген пӧръеҥ тынар ок пале. Мутлан, могай кугытан вургемым чием — тачат ом пале, а пелашем тидым моткоч сайын пала…

Г.Кожевникова.
Д.Речкинын фотожо.

«Марий Эл» газет. 2011 ий 30 апрель

«Марий Эл» газет 2011 ий 30 апрель

 

Афиша

10 декабря /сб/ -
Премьера
Осал чоялык да йöратымаш / Коварство и любовь
Начало в 16.00
Купить билет  

11 декабря /вс/ -
Лесная сказка
Начало в 11.00 
Купить билет  

17 декабря /сб/ -
Юмынӱдыр / Дочь Бога
Начало в 16.00
Купить билет  

18 декабря /вс/ -
Хоровод вокруг ёлки
Большое сердце маленького Хрю
Начало в 14.00 
Купить билет 

25 декабря /вс/ -
Хоровод вокруг ёлки
Большое сердце маленького Хрю
Начало в 10.00 - купить билет  
Начало в 14.00 - купить билет
Начало в 17.00 - купить билет 

29 декабря /чт/ - 
Новогодний праздничный концерт
Начало в 18.00 
Купить билет 

С Новым 2017 годом!

3 января /вт/ -
Йöратымаш да кöгöрчен-влак / Любовь и голуби
Начало в 16.00
Купить билет 

4 января /cр/ -
Алиса, Анфиса, Аниса
Начало в 16.00
Купить билет 

5 января /чт/ -
Эх, кушто ӱдырым муаш?.. / Женись, сынок, женись
Начало в 16.00
Купить билет

6 января /пт/ -
Марийская ёлка
Чоя рывыж
Начало в 10.00
Билеты в кассе театра 

7 января /cб/ -
Хоровод вокруг ёлки
Большое сердце маленького Хрю
Начало в 10.00 
Купить билет 

Поро пошкудо - пел кудо / Люстра
Начало в 16.00
Купить билет 

8 января /вc/ -
Хоровод вокруг ёлки
Большое сердце маленького Хрю
Начало в 10.00 
Купить билет 

Ойырледа? Огына ойырло! / Развод по-марийски
Начало в 15.00
Купить билет 

22 января /вc/ -
Пысман корем / Овраг
Начало в 15.00
Купить билет 

27 января /пт/ - 
Концерт
засл. арт. РФ, нар. арт. РМЭ
Ивана Смирнова

Начало в 18.00 
Купить билет  

31 января /вт/ -
Кресӱдыр /Крестница
Начало в 18.00
Купить билет  

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Заказать билеты можно по тел. 
45-16-04, 78-13-78 (касса),
а также 
89371131952 (Алиса,
89278843375 (Елена).

Виртуальный тур

Задай свой вопрос!

Вы можете задать свой вопрос любому работнику театра, пишите кому, и мы обязательно его зададим.

Нажмите на изображение, чтобы его изменить

Юбилейные даты


20 октября - 90 лет
засл. арт. МАССР
(1926-1982) 
 
13 ноября - 85 лет
нар. арт. МАССР
(1931-2007) 




Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)