«Марий театр дене кылым кӱрлын омыл»
Композитор Сергей Маков Москваш илаш куснен манме уверым колмек, мутат уке, чонлан нелын чучын.  Увер чаманыме кумылым луктын. Уке, тудым огыл, а шкенам чаманыме кумылым. Эше ик виян профессионалым йомдарыме дене мемнан искусствына ок пойдаралт…  Вес могырым, композитор кеч-кушто ила гынат, садак семым шочыктыде илен ок керт. А шочмо калыкшын культура поянлыкше тудын ынде вӱрыштыжак гын, тугеже марий произведеният эше икте огыл шочеш.
Сергей Николаевичым шукерте огыл М.Шкетан лӱмеш театрыште вашлийым да шомакым вашталтыде, тидым лудшо-влаклан палдарыде нигузе шым чыте.
Молан? Йӧршешлан мо? Эн ончычак, мутат уке, тыгай йодыш лекте.
- Тыгеат лийын кертеш,- тудо кокымшо йодыш гыч вашешташ тӱҥале. – А моланже? Амал тӱрлӧ.  Эн кугужо – йоча-влак дене пырля илаш шонымаш.
Маковмытын кок ӱдырышт уло. Кугуракше Москваште ила, тушанак ешым чумырен. Икшывышт шочын. Нунын шкеныштын пӧртышт уло. Пырля илаш, уныкаштым ончаш полшаш шонымаш дене ача ден авам шкешт пелен илаш ӱжыныт. Шуко-шагал шонымеке, нунышт куснаш келшеныт.
Адакше кокымшо ӱдырыштат Москваште, Российысе гуманитарный университетыште, тунемеш. Специализацийже – испан йылме. Тудо Марий Элыш ынде огеш пӧртыл.
- Чынжым ойлаш гын, Йошкар-Ола гыч иктаж-кушко каяш шонымаш ончыч ик ганат лийын огыл. Ыштыме пашатлан шагал тӱлат але йӧршеш огыт тӱлӧ гынат. Теве Марий театрыште кандаш спектакльым музыка дене сӧрастарымылан тӱлен огытыл,- рашемда Сергей Николаевич. Вара шомакым мыскарашкыла савыра: - Россий президентат йӧным шкан кычалаш кӱлеш манын ойла вет. Тыге, йӧн лекмеке, меат кайышна.
- Пашаш пурен шуктенда? – адак умылынем.
- Эн ончычак тидым ойлем: эше Марий театр дене кылым кӱрлын омыл. Кызыт тидын шотышто нимогай нелылык уке: ала-мыняр тӱжем меҥге коклаште иленат, пашам ышташ лиеш. Тидлан технический йӧн полша. Толынат коштам. А  Москваште кызытеш пашам ыштымаш уке. Тусо композитор ушемыш миенам, но союзыш але пуренжак омыл.
Москваште музыка илыш шолеш, уло мом ончаш, кушко каяш. Кызыт, йӧн уло дене пайдаланен, тӱрлӧ вере лекташ тыршем.
Такше таче марий-влак элын рӱдӧ олаштыже шукын улыт, нуно землячество гоч кылым ыштат, ваш палат.
- Тушко миенам, ятыр палыме еҥым вашлийым. Мыйымат шке радамышкышт пуртышт. Эсогыл концерт программым ямдылыме шотыштат шомак лекте. Пижашак гын, тидым ышташ лиеш. Вет Москваште  виян мурызына-влак улыт. Герман Апайкинымак налаш. Тудо Россий Армийын Александров лӱмеш мурышо да куштышо ансамбльыштыже солист. Тыштак уло вес землякна – Российын калык артистше Вадим Ананьев. Эше йӧршеш самырык мурызо Виктор Апталиков нерген пален нальым. Ойыртемалтше йӱкан.
Икманаш, усталык шӱлышан айдеме шканже пашам кеч-куштат муэш. Сергей Маковынат элын рӱдӧ олаштыже творческий карьерым тӱҥалаш кумылжо уло.
С.БЕЛКОВА.
М.Скобелевын фотожо.


 

 

Афиша

6 декабря /вт/ -
В некотором царстве
Начало в 11.00 
Купить билет   

10 декабря /сб/ -
Премьера
Осал чоялык да йöратымаш / Коварство и любовь
Начало в 16.00
Купить билет  

11 декабря /вс/ -
Лесная сказка
Начало в 11.00 
Купить билет  

17 декабря /сб/ -
Юмынӱдыр / Дочь Бога
Начало в 16.00
Купить билет  

18 декабря /вс/ -
Большое сердце маленького Хрю
Начало в 14.00 
Купить билет 

25 декабря /вс/ -
Большое сердце маленького Хрю
Начало в 10.00 - купить билет  
Начало в 14.00 - купить билет

29 декабря /чт/ - 
Новогодний праздничный концерт
Начало в 18.00 
Купить билет 

С Новым 2017 годом!

3 января /вт/ -
Йöратымаш да кöгöрчен-влак / Любовь и голуби
Начало в 16.00
Купить билет 

4 января /cр/ -
Алиса, Анфиса, Аниса
Начало в 16.00
Купить билет 

5 января /чт/ -
Эх, кушто ӱдырым муаш?.. / Женись, сынок, женись
Начало в 16.00
Купить билет

7 января /cб/ -
Поро пошкудо - пел кудо / Люстра
Начало в 16.00
Купить билет 

8 января /вc/ -
Ойырледа? Огына ойырло! / Развод по-марийски
Начало в 15.00
Купить билет 

22 января /вc/ -
Пысман корем / Овраг
Начало в 15.00
Купить билет 

27 января /пт/ - 
Концерт
засл. арт. РФ, нар. арт. РМЭ
Ивана Смирнова

Начало в 18.00 
Купить билет  

31 января /вт/ -
Кресӱдыр /Крестница
Начало в 18.00
Купить билет  

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Заказать билеты можно по тел. 
45-16-04, 78-13-78 (касса),
а также 
89371131952 (Алиса,
89278843375 (Елена).

Виртуальный тур

Задай свой вопрос!

Вы можете задать свой вопрос любому работнику театра, пишите кому, и мы обязательно его зададим.

Нажмите на изображение, чтобы его изменить

Юбилейные даты


20 октября - 90 лет
засл. арт. МАССР
(1926-1982) 
 
13 ноября - 85 лет
нар. арт. МАССР
(1931-2007) 




Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)