Пресса

12 гыч 18 ноябрь марте Марий Эл Республикынан рӱдолаштыже Финн-угор театр-влакын «Майатул» фестивальышт моткоч шокшын эртен. Вич кече жапыште родо-тукым калык-влакын – коми, карел, мордва, удмурт, хант-манси — йылмышт дене лу спектакльым ончымо. Постановко-шамыч кугурак ийготан-шамычлан веле огыл, кушкын толшо тукымланат лийыныт. Нуно илыш, еш, икте-весе кокласе кыл, шочмо кундемым, йыр улшо пӱртӱсым, тыгак шочмо йылмым йӧратыме, аклыме нерген шонаш тартеныт, шуко ойгым кондышо сар пагытын кочо тамже логар пундашеш комылям кӱзыктен.

Алевтина Байкова.
"Марий Эл" газет. 20.11.2018

Финн-угор калык-влакын театрыштын «Майатул» черетан фестивальышт эртенат кайыш. Тиде кечылаште Марий Эл Республикнан рӱдолаже ятыр кундем гыч уна-влакым вашлийын. М.Шкетан лӱмеш Марий национальный драме да Марий самырык театр сценылаште родо-тукым калык-влакын йылмышт дене спектакль-влакым ончаш йӧн лийын. Нунын мастарлыкыштым Йошкар-Ола, Моско, Уфа, Казань олаласе, тыгак Калмыкий, Финляндий гыч жюри еҥ-влак акленыт. Фестиваль мучашлалтмеке, икмынярышт дене финн-угор театр-влакын пашашт, нунын вияҥмышт, тыгай вашлиймашын кӱлешлыкше да моло нерген мутым вашталтышна. 

Алевтина Байкова мутланен.

"Марий Эл" газет, 2018 ий 23 ноябрь

65 ЛЕТ ИСПОЛНИЛОСЬ НАРОДНОЙ АРТИСТКЕ РЕСПУБЛИКИ МАРИЙ ЭЛ РАИСИИ МАКАРОВОЙ
Уже больше 40 лет она играет на сцене Национального театра драмы им. М. Шкетана. Ее творческая судьба, как и у многих артистов, началась с художественной самодеятельности, но так получилось, что специального актерского образования она так и не получила - училась уже в процессе работы в театре. ... юная Рая увидела объявление, что набираются исполнители для ансамбля песни и танца «Марий Эл». Рая пела с детства, да и в школе учителя ее всегда задействовали в художественной самодеятельности, поэтому она смело пошла на прослушивание. А слушал ее сам Михаил Капланский, ему понравился голос девушки, и ее взяли. А потом уже Михаил Юрьевич отправил ее учиться в музыкальное училище им. И.С. Палантая, правда, его она не закончила, потому что в жизни случился театр...
 
Ирина СУВОРОВА
Источник: газета «Йошкар-Ола», № 17 от 6 мая 2014 года 

«Театральный Йошкар-Ола» фестиваль кажне ийын эн сай театр паша-влакым палемда. Тений Гран-прим М.Шкетан лӱмеш театрын «Юмынӱдыр» мюзиклже сеҥен налын.
Арня утла шуйнышо фестивальым Марий Эл Республикысе тӱвыра, печать да национальность паша шотышто министерстве ден Россий Федерацийысе театр деятель-влакын ушемышт эртарат. Тышке кажне гана кундемнан чыла профессионал театрже ушна. Артист, режиссер, сценограф да молыланат тиде – кугу пайрем, тыгодымак вургыжмо тат. Вет нунын пашаштым жюри акла.

"Кугарня" газет. 2013 ий 29 март

 

«Майатул» фестивальын программыжым М.Шкетан лӱмеш Марий драме театр «Монча кечын» спектакль дене почын. Кӧ репертуарым шекланен гын, вашталтыш лиймым ужын. Чын, ондак  М.Шкетанын ойлымашлаже негызеш Г.Гордеевын «Сӧсна поминка» пьесыж почеш  шындыме спектакль палемдалтын ыле.  Но 17 октябрьыште  «Монча кечын» премьерым модмо годым калыкын ты пашам пеш шокшын вашлиймыжым шотыш налын,  фестивальыш лачак тудым лукташ кутырен келшыме. Пьесын авторжо чуваш драматург  А.Тарасов. Марий йылмыш Г.Гордеев кусарен.
С.БЕЛКОВА. 
"Марий Эл" газет, 2014 ий 27 октябрь 

ойла М.Шкетан лӱмеш Национальный театрын актёржо Алексей Сандаков.
Тӱняште могай гына профессий уке! Ала-молан актёр лияш эре куштылго манын шоненам: репетицийыш кошт, сценыш лек да мод, адакшым калык коклаште палыме лият. Йоҥылыш лийынам улмаш. Тидын нерген М.Шкетан лӱмеш Национальный театрын акёржо, Кужеҥер район Чашкаялыште шочшо Алексей Вениаминович Сандаков дене кутырымем годым пален нальым.
Ончыкылык актёр изиж годым кӧ гына лияш шонен огыл.

«Кугарня», 2012 ий 16 ноябрь

Волжский районысо Куэрласола ялеш шочын-кушшо да варажым Шарачаште илыше ӱдыр, а кызыт М.Шкетан лӱмеш Марий кугыжаныш театрын артистше Светлана Филиппова изинекак артист шӱлышан кушкын. Коваже балалайкым шоктен, ӱдыр акаж дене пырля такмак-влакым мурен. Эсогыл ялысе кова-влакым мӧҥгышкышт поген, концертым ончыктеныт. Школышто тунеммыж годымат театр кружокыш уло кумылын коштын. Районыштат школ чапым арален, икымше верышкат лектын. 
А.Байкова.
"Марий Эл" газет, 2016 ий 9 апрель 

М.Шкетан лӱмеш театрын коллективше эше ик у спектакль дене куандарыш. Тиде гана Ю.Байгузан «Кресӱдыр» пьесыж почеш тыгаяк лӱман спектакльым режиссер В.Домрачев луктын.
Тиде возышо деке пöртылмым сай семын палемдыман. Юрий Байгуза марий драматургийыш шке жапыштыже ойыртемалтше автор семын пурыш. Тудо эн ончычак моткоч келге шонымашым чылт яндар марий йылме дене каласен моштымыж дене куандарен öрыктарен. Сюжетымат вучыдымын савырен шындаш мастар, 
С. Белкова.
«Марий Эл» газет, 2015 ий 17 ноябрь 

манеш Россий Федерацийын сулло артистше, Марий Эл Республикын  калык артистше Иван Смирнов 2 июльышто, М. Шкетан лÿмеш Марий кугыжаныш драме театрын сценыш лекмекыже. Лач тиде кечын 18 шагатлан ик эн йöратыме артистна ты тÿвыра полатыш театрым пагалыше-влакым веле огыл, тыгак марий эстрада мурым шулен колыштшо-шамычымат пагален ÿжеш.
Мутат уке, пел курым – тиде шкешотан иктешлыме жап. Но вет ты ийгот гыч эше пелыжым йöратыме пашатым эре ик театрыштак шуктен илет гын, тунам, манмыла, шÿм-мокшетге тушко пурен кает. Но И. Смирновын илыш-корныжо вигак артист сомыл гыч тÿҥалын огыл.

«Кугарня», 2011 ий 17 июнь

25 сентябрьыште Йошкар-Олаште Вашский уремысе 7-ше №-ан пӧрт пырдыжеш РСФСР-ын да МАССР-ын калык артистше Виктор Дмитриевич Бурлаковым шарныме лӱмеш оҥам сакыме. Тиде пӧртыштӧ тудо 1982 гыч 1996 ий марте илен.

"Кугарня", 2012 ий 28 сентябрь

Additional information