Марий Элын сулло артистше (2006),
Марий Элын калык артистше (2018),
2007 ий гыч М.Шкетан лÿмеш Марий кугыжаныш драме театрын тÿҥ режиссержо

1976 ий 23 октябрьыште Йошкар-Олаште, театр пашаеҥ-влак ешыште, шочын. 
— Мый техникылан шÿман улам, сандене изиэм годсек шофёр лияш шоненам,- ойла Роман.- Но 7-ше школышто латик классым тунем пытарымеке, ачам ден авам Москвашке, Щепкин лÿмеш училищыш, ÿдыр-рвезе-влакым погымо нерген колыныт да мыламат тöчен ончаш темленыт. Тыге мый тушко логалынам. 
Очыни, училищыш конкурсым эрташ тудлан артист-влак коклаште яра жапшым эртарымыжат полшен. Варажым шарналтен ойлен: «Каникул жапыште ачам ден авам гастрольыш кайымышт годым мыйым эреак пеленышт налыныт. Да тиде веле огыл, театрыштат шуко жапым эртараш логалын». 
1998 ийыште М.Щепкин лÿмеш Кÿшыл театр училищым тунем пытарен, Ж.Б.Мольерын пьесыж почеш «Тартюф» диплом спектакльыште Тартюфын рольжым модын, «Драматический театрын да кинон актёржо» специальность дене дипломым налын да М.Шкетан лÿмеш Марий кугыжаныш драма театрыш пашаш толын. Варажым Р.Алексеев М.Шкетанын «Эреҥерыштыже» Сакарым, С.Николаевын «Саликаштыже» Сармаевым, Ю.Байгузан «Порсын лÿҥгалтыштыже» Ирын да моло спектакльыштат тÿрлö рольым модын да модеш. Тачысе кечылан тудын репертуарыштыже коло чоло роль погынен. Чылаштыжат артистын шкешотан улмыжо, образыш келгын пурен моштымыжо, геройжын илышыж денак илаш тыршымыже раш шижалтыт. Тидыжлан содыки режиссёрын ассистентше пашам кок ий наре ыштымыжат, режиссёр курсышто тунеммыжат кугун полшат: Б.Щукин лÿмеш Театр институтын режиссура отделенийыштыже тунемын, 2008 ийыште дипломым налын. Кызыт тудо М.Шкетан лÿмеш Марий кугыжаныш драма театрын тÿҥ режиссёржылан ышта. А.Слаповскийын «Блин-2», А.Володинын «Пять вечеров», В.Гуркинын «Саня, Ваня, с ними Римас» произведенийышт почеш «Блин-2», «Улыжат вич кас», «Вучо, мане, пöртылам», тыгак В.Регеж-Гороховын «Кугезе муро» драмыж почеш спектакль-влакым калык куанен онча, кÿкшын акла. 
Чыла тиде веле огыл, Роман Юрьевич кызыт эше Палантай лÿмеш Культура да искусство колледжыште туныкта.

— Мылам колледжыште туныкташ Дмитрий Дмитриевич Лавров темлен,— шарналта Р.Алексеев.— Тушто «сценический движений» манме предметым вÿдем. Ынде шкежат туныктышо улам гынат, теве мом ушештарыде омак керт: ачам манмыла, «паша эше кÿжгÿ». Вет артист шкенжым кугу кÿкшытыш шушылан шотлаш тÿҥалеш да умбакыже кушмым, шкеж дене пашам ыштымым чарна гын, артист семын тудо йомын кертеш. Тугеже таче сайын модынат гын, эрла кок пачаш сайынрак модшаш улат.

Радион фондышкыжо тудын йӱкшӧ дене А.С.Пушкинын «Евгений Онегин» романже гыч ужаш-влакым марла возымо. Тиддеч посна «Онар» легенда, марий поэт-влакын почеламутыштым возен кодымо. Тиде пашажлан Йыван Кырла лӱмеш лауретын дипломжым кучыктымо. Кок тургым жапыште Роман Алексеев актер паша деч посна режиссерын ассистентшылан ыштен. Тудо А.Вампиловын «Сонар содом», З. Долгован «Полдыранат ош пеледышан», А.Поповын «Пӱрӧ пазар», В.Абукаев-Эмгакын «Куку шагат» спектакль-влакым ямдылымаште тыршен.
2008 ийыште Б.Щукин лӱмеш Театр институтын режиссура отделенийжым тунем пытарен, режиссер дипломым налын.

Кызыт тудо театрын тӱҥ режиссержылан ышта.
Тыгай спектакль-влакым шынден: А.Слаповскийын «Блин-2», А.Володинын «Улыжат вич кас», Ю.Соловьевын «Йыван Кырла», Н.Арбанын «Кеҥеж йӱд», В.Гуркинын «Вучо, мане, пӧртылам», В.Регеж-Гороховын «Кугезе муро», И.Зайниевын «Поро пошкудо – пел кудо», А.Поповын «Эх, кушто ӱдырым муаш?».

Additional information

До празднования 100-летия театра осталось