Россий Федерацийын сулло артистше (2014),
Марий Эл Республикын калык артистше (2004),
Йыван Кырла лӱмеш театр премийын лауреатше (2000), 
М. Шкетан л
ӱмеш Марий Эл Кугыжаныш премийын лауреатше (2011).
М. Шкетан лӱмеш Марий кугыжаныш драме театрын т
ӱҥ режиссержо (2002-2007 гг.).
2008 ий гыч – режиссер.


У Торъял район, Часамласола ялыште 1963 ий 6 июньышто шочын.  1980 ийыште Немда школым тунем лекме деч вара А.В. Луначарский лӱмеш Театр искусство кугыжаныш институтын актёр отделенийышкыже тунемаш пурен.  1985 ийыште Совет Армийыш каен, а 1987 ий гыч М. Шкетан лӱмеш Марий кугыжаныш театрын труппышкыжо ушнен.
 Кодшо курымын 90-шо ийлаштыже В. Домрачев М. Шкетан лӱмеш Марий кугыжаныш драма театрыште икмыняр спектакльым режиссёр семын шынден. Нунын коклаште «Сардай» (М. Шкетан, 1993), «Чонтамык» (С. Элембаева, 1995), «Кем ургызо» (Н. Арбан, 1998). Тыгак режиссёр Домрачев В. Юксернын «Чоя рывыж» йомакше, С. Элембаеван «Кумыкталтше кумыл» детективше, В. Розовын  «Сӱан кечын» пьесыж почеш спектакль-влакым сценыш луктын.
1996-1997 ийлаште Василий Валерианович Моссовет лӱмеш театрыште профессор П.О. Хомскийын вуйлатымыж почеш  режиссура дене стажировкым эртен.
1998 ий апрельыште В. Домрачев Марий самырык театрыш пашаш куснен. Тушто кум ий ыштыме жапыште тудо шагал огыл рольым модын. Нунын кокла гыч Михаилым (Н. Коляда, «Мурлин Мурло», 2000) палемдаш лиеш – лач тиде рольланак Василий Валерианович Йыван Кырла лӱмеш театр премийын  «Кокымшо планан эн сай пӧръеҥ роль» номинацийыштыже лауреат лийын.
Василий Домрачев актёр да режиссёр семын веле огыл тырша, тыгак тудо шкежат драма произведенийым воза. Тыге писатель Василий Сапаев дене пырля «Эрге» пьесым серен да 1992 ийыште тудын почеш Марий самырык театрыште спектакльым шынден. 1998 ийыште «Мыланна - латкудыт»  драмыж почеш шкежак режиссёр пашам шуктен.
Эше Театр искусствын кугыжаныш институтышто тунеммыж годым В. Домрачев киношто сниматлалташ тӱҥалын. Тачысе кечылан Василий Валерианович коло утла фильмыште тӱрлӧ рольым модын. Режиссер-влак Э. Климов, А. Рогожкин, А. Рыбарев, А. Герман, молат тудын шкешотан артист улмыжым шекланен шуктеныт да шкеныштын фильмышкышт кызытат кумылын ӱжыт. Шылташ нимолан, В. Домрачев Российысе калыклан А. Рогожкинын «Особенности национальный рыбалки» фильмыштыже Прокурорын рольжо дене утларак палыме лийын. 
2001 ийыште В. Домрачев Г. Константинов лӱмеш Руш драма академический театрыш пашаш куснен, но тушто кужу жап кучалтын огыл – срдыки Марий театр тудлан лишылрак. 
2002 ийыште марий театр-влакым пужен ыштыме деч вара В. Домрачевым М. Шкетан лӱмеш Марий кугыжаныш драма театрын тӱҥ режиссёржылан шогалтат. Вес ийынжак тудо «Эн сай пьеса» лӱман республика кӱкшытан  конкурсым эртараш темлен. 
1999 ийыште Василий Домрачевын мастарлыкшым да тыршен пашам ыштымыжым кӱкшын аклен, «Марий Эл Республикын сулло артистше», а вич ий гыч «Марий Эл Республикын калык артистше» лӱмым пуымо.
2002 ийыште Финн-угор театр-влакын IV тӱнямбал фестивальыштышт В. Домрачевын шындыме «Ош кече йымалне» ( драмын авторжо – В. Абукаев-Эмгак), а V фестивальыште «Полдыранат ош пеледышан» (легендын авторжо – З. Долгова) спектакль-влакым ончыктымо. Тиддеч посна кокымшо спектакльже «Кугу сорта» этно-арт электрон театр фестивальын II  степенян дипломжым сеҥен налын. 


М. Шкетан лӱмеш Марий кугыжаныш драма театрыште
 В. Домрачевын шындыме спектакль-влак:


М. Шкетан, «Сардай», 1993
С. Элембаева, «Чонтамык», 1995
Н. Арбан, «Кем ургызо», 1998
В. Абукаев-Эмгак, «Ош кече йымалне», 2002
Л. Яндаков, «Йӧратымаш? Йӧратымаш! Йӧратымаш…», 2002
А. Островский, «Чодыра», 2003 
З. Долгова, «Полдыранат ош пеледышан», 2003
В. Абукаев-Эмгак, «Куку шагат», 2004
С. Николаев, «Салика», 2004
З. Долгова, «Пысман корем», 2005
А. Петров, «Кронуш», 2005
З. Долгова, «Ӱдыр сий», 2007
В. Юксерн, «Чоя рывыж», 2009
В. Абукаев-Эмгак, «Кайыккомбо кашта», 2010
М. Илибаева, «Ойырледа? Огына ойырло!», 2011
А.Островский "Йöным мушо йöрым кочкеш". 2013. 

В. Домрачев  театрыште тыгай роль-влакым модын:
1987
К. Коршунов «Шарнет, Элиса?» Лёва
В. Шекспир «Латкокымшо йӱд» сер Тоби
1998
М. Рыбаков «Эргымлан кузык» Мики
С. Николаев «Салика» Чопай
1989
М. Рыбаков «Онарын кердыже» Сарзе
1990
А. Вампилов «Кугэрге» Васенька
1991
М. Рыбаков «Тӱрлемӱдыр» Колой
1992
Ю. Байгуза «Порсын лӱҥгалтыш» Арвуй
1993
А. Кицберг «Ургызо Ыхк» Антс
Н. Угарин «Кочо йӧратымаш» Костя
1994
Н. Гоголь «каче пазар» 
В. Пектеев, Ю. Байгуза «Окса тул» Карасий
А. Пудин «Эрла Агавайрем» Карай
1997
К. Коршунов «Пӱрыдымӧ пӱрымаш» Иван Васильевич, милиций старшина

В. Домрачев тыгай фильмлаште рольым модын:

«Кто сильнее его?» реж. А. Квирикашвили - Коротышка (1984)
«Я за тебя отвечаю» реж. В. Яшин - Вестовой (1984)
«Иди и смотри» реж. Э. Климов - Полицай (1985)
«Меня зовут Арлекино» реж. А. Рыбарев - Упырь (1988)
«Караул» реж. А. Рогожкин - Полицай (1990)
«Карьер» реж. А. Рыбарев - Полицай (1990)
«Чекист» реж. А. Рогожкин - растрельщик Соломин (1991)
«Особенности национальной рыбалки» реж. А. Рогожкин - Прокурор (1998)

 "Улицы разбитых фонарей" - дублер Селина (сериал, 2008);

"Любовь под грифом "Совершенно секретно" (2008);
«Трудно быть богом», реж. А.Герман - Возничий;
"Оружие" - полковник на полигоне (2011);
"Небесные жены луговых мари" (2012)

Киноактер Василий Домрачев нерген:

Кино-Театр.ru

http://imhonet.ru/person/108036/role/5/

http://www.kinopoisk.ru/name/256947/

        

Additional information

До празднования 100-летия театра осталось