Мемнан-влак – Эстонийыште

26 гыч 30 август марте Эстонийын рÿдолаштыже, Таллинныште, Скооне бастионышто олым гыч ыштыме театрыште (тудо NO99 маналтеш) Sugrierror.com лÿман тÿнямбал финн-угор спектакль ончыкталтын. «Таллинн – Европысо культурын рÿдолаже-2011» программа дене келшышын, «Фенно-Угриа» учрежденийын темлымыж почеш ямдылыме проектыште хант, манси, марий, удмурт да эстон актёр-влак пашам ыштеныт.
- Постановка тÿҥ шотышто импровизаций йöн дене ямдылалтын: тидлан лÿмын пьесым возымо огыл,— каласкала Марий Элын сулло артисткыже Светлана Строганова.- Кажне актёр шке калыкшын тÿняумылымашыжым, йÿлажым моштымыж семын почын пуышаш ыле. Мутат уке, кугу тÿткыш изи чотан калык-влаклан, нунын вожыштлан да евро-американ тÿня дене таҥастарымаште вестÿрлö улмылан ойыралтын.
С.Строганова дене пырля тÿнямбал проектыште тыгак Сергей Данилов лийын.
- Финн-угор вес калык-влак гыч лекше актёр-влак дене пашам ышташ моткоч оҥай ыле,- мутланымашым шуя Сергей.- Обь-угор калык-влакын «Солнце» лÿман театрышт гыч хант Евгения Молданова, эрыкан актриса хант Анна Раондома, манси актёр Пётр Анямков, хант студент Артём Тарлин, удмурт Михаил Бегишев лийыныт. Тыгак NO99 театр гыч эстон актёр-влак Ристо Кюбар ден Миртель Похла шкешотан улыт. Коклаштына эстон-влак Берт Раудеп ден Артур Линнус лийыныт.
Тÿнямбал финн-угор проектым калык ончыко лукмо шотышто постановщик семын эстон актёр-влак Анне Тюрнпуу, Эва Клементс да Март Кодитс тыршеныт. Тыгак эстон драматург Мария Леэ Лийвак пашам ыштен.
- Sugrierror.com – тиде такшым финн-угор проблемым почын пуышо пьеса,- ойла Светлана.- Кажне кечын сÿрет вашталт шога, мом ончыктышашым актёр-влак шке ойырен налыт. Тыште пашам ышташ моткоч оҥай ыле: вет финн-угор менталитет ден театр коклаште кыл моткоч сайын палдырныш. Йоҥылыш рольышто Шем Петр, Джокер, але шойышташ йöратыше, коеш. Тыгак йöршеш вучыдымо пунчал дене палыме лияш йöн уло, тиддеч посна йоҥылыш нерген тургыжланен увертарымашым колаш логалеш.
Туге гынат кугу лÿдыкшö уке. Ончаш погынышо калыклан нигöат вес семын илаш кÿлмє нерген тÿен огеш ойло, шотдымылык, тÿнямбал лÿдыкшє дечат йöршеш кораҥме – сайым веле ончыкташ тыршыме.
Актёр йодеш: эрдене йöршеш йот еҥ семын помыжалтыда гын, мом ыштеда, кушко каеда ыле? Автостоянкыште, черетыште, омыюа але пашаште евро-американ тÿнян ик ужашыже огыл, а ала-кö весе улмыдам шижыда гын, тугеже весыже кö?

 

Афише

3 майыште /вр/ -
Ух, пӧръеҥ-влак! 
Концерт /12+/
18.00 шагатлан
Билетым налаш 

12 майыште /кг/ -
Анатолий Николаевын 
юбилей касше /12+/
18.00 шагатлан
Купить билет 

18 майыште /из/ -
Премьера
Тулар ден тулаче /12+/
18.00 шагатлан
Купить билет 

21 майыште /рш/ -
Марий Элын калык арт. 
Светлана Строганова:
Таче мыйын шочмо кече
Кугу концерт /12+/
15.00 шагатлан
Билетым кассыште налман 

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  78-13-78 (касса)
телефон дене бронироватлаш лиеш.

Виртуальный тур

Задай свой вопрос!

Click on the image to change it

Тенийлан лӱмгече


23 мартыште
Марий АССР-ын сулло арт.,
РСФСР-ын сулло арт.
(1927-2014) -
90 ий  
 
23 апрельыште
МАССР искусствын сулло деятельже,
Марий Элын калык арт.
(1932-2009) -
85 ий 

 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)