Алина-Алиса пайремыш вуча

 

Ик спектакль деч ончыч кольым: Алина Егошина шылыжым тарватен, пыкше веле коштеш. Актриса верч тургыжланыме кумыл шочо. Вет модмо рольжо – пеш самырык  ӱдыр. Тудо чолга икшыве, эреак куржталыштеш. Но спектакль годым сценыште тудын черле улмыжо нигунарат ыш палдырне. Ошкылмыж годым эше тӧршталтен колта, трук тарванен куржеш. «Артистын иктаж-можо коршта але температурыжо кӱзен – тидым ончаш толшо палышаш да шижшаш огыл. Тудо эре таза, мотор лийшаш»,– тидын нерген мутым лукмек мане Алина шкеже.
Марий Элын сулло артисткыже Алина Егошина нерген шомак лекмеке, шинча ончыко вигак сценыште шукыж годым чолган куржталше самырык ӱдыр, кунамже икшывым модшо мотор шӱргывылышан, куштылго да чатка кап-кылан актриса толеш. Мыйын эсогыл «Алина, тыгай рольым модын шерет темын огыл?»  манын йодаш шонымаш шочын ыле. Но тудын репертуаржым ончал лектымат, умылышым: а вет шуко кугу да кӧргӧ виян образым ыштен. «Саликаште» – Салика, «Ачийжат-авийжатыште» – Маюк, «Мӱш отарыште» –  Клавий. Кугу паша семын В.Гороховын «Кугезе муро» пьесыж почеш шындыме спектакльыште Сасканайым палемдыман. Пытартыш гана вашлийме годым шижым:  «Кугэрге» спектакльыште Нинан образше дене кыртмен пашам ышта. А 25 ноябрьыште эртышаш бенефисшылан  В.Абукаевын пьесыж почеш шындыме «Алиса, Аниса, Анфиса» спектакльым ойырен налын.
-Алина, Моско гыч тунем толмекет, рӱдӧ Марий театр сценыште мыняр образым чоҥышыч ынде? Такше роль изи да кугу ок лий маныт гынат,  чонетлан эн лишылже могай?
- Театрыште ынде латкумшо тургым пашам ыштем. Шотлен омыл, иктаж латвич-коло рольжо погына дыр. Чын ойледа, ар-    тистын изи да кугу роль уке,  кеч-могайжымат йӧратен ышташ кӱлеш. Мом модам, мыят шкеже чыла йӧратем.
Тӱҥ верым, мутат уке, марий классика налеш. Тыгак «Улыжат вич кас», «Роза-Розмарий»,  «Кишке-шемгишке»  спектакльлаште улшо образ-влакым йӧратем ыле. Чаманен каласаш логалеш, южо актерын театр гыч кайымыж дене нуно репертуар гыч лектын возыныт.  Сасканай - сай роль. Уло тыште артистлан мом модаш.
Мутат уке, кажне образым ыштыме годым кычалаш логалеш. Мыйын чолга ӱдырем-шамыч икте-весышт деч ойыртемалтышт манын тыршыман. А пытартыш жапыште литературный героемлан лишыл улшо еҥым илышыште, палымем-влак коклаште кычалам.
- Алина, пелашет Александр Бирюков дене пырля шуко спектакльыште модыда. Пелаш-партнер вес партнер деч ойыртемалтеш мо? Те, очыни, мӧҥгыштат репертироватледа?
- Ойыртемалтеш. Тудын дене пырля улмо годым утларак кугу эҥертышым шижам. Ме вет икте-весым шомак деч посна, шинчаончалтыш гычак умылена. Но Сашан тугай ойыртемже уло: импровизацийым ыштылеш. Кажне спектакльыште тудо тӱрлӧ лийын кертеш. Южгунамже ӧрыктара. Но артист-влак ынде тидлан тунемыныт.
А мӧҥгыштӧ репертироватлымаш уке. Паша – паша дене, а еш – еш дене. Конешне, мӧҥгыштат паша нерген мутланена, каҥашена... Тугакшат йоча-влак мемнам шагал ужыт, сандене каныш кечым, мутлан, нунын дене пырля эртараш тыршена. Палыме-влак деке миен толына, мончаш коштына, пӱртӱсыш лектына.
- Актёр-влак ешыште йочаштат артист гаяк кушкыт манын шоныман.
- Мемнан изиракше, вич ияш Мишук, совла дене кырен, семым лукташ йӧрата. Кумылжо уло иктаж-могай инструмент дене шокташ тунемаш. Кугурак эргына 14-ше гимназийыште нылымше классыште тунемеш. Самырык-влакын усталык полатышт пелен чумырымо «Шокто, гармонь» ансамбльыш коштеш. Уло кумылын мура, кушта. Теве шыже каникулыштым концерт дене коштынак эртарышна, манаш лиеш.
Эргына-влак спектакльышкат мият. Изиракышт годым кулис шеҥгелне куржталыт ыле – шкенан шинча ончылно кученна. Ынде кугуракше зал гычак ончаш тӱҥӓлын. Шке шонымашыштым ойлат. Кушто келшен, кушто уке – каласат. Йочам от ондале, маныт вет.
- Алина, ончыкыжо могай рольым модшаш кмылым чоныштет ашнет?
- Эн кугу шонымаш, мутат уке, - классикым модаш. Мутлан, Шекспирын произведенийже почеш мый тиде театрыште ик ганат модын омыл. Чеховын, Островскийын пьесыштышт шкем тергыме шуэш. Ме кызыт шукыжо бытовой спектакльым модына. Но тый артист улат, тидлан лӱмын тунемынат гын, эре кушшаш, вияҥшаш улат. Актерлан ик верыште тошкышташ ок лий, ончыко кайыме шуэш. «Улыжат вич кас» лач тидын могырым ончалмаште шерге ыле. Классикыш калыкым погаш йӧсӧ, маныт. Но кӧлан тиде кӱлеш, тудо ончаш толеш.
- Театр гыч актер-влакын кайымышт, тидлан кӧра репертуар пужлымо нерген мутым тарватышыч. Труппа, чынжымак, таче кугу огыл, южо спектакльыште актер ситыдыме поснак шижалтеш. А тыйын пашам вашталташ лийын огыл?
- Уке. Тиде пӧръеҥлан театрыште пашам ышташ йӧсырак. Тудлан ешым пукшаш кӱлеш. Садлан пӧръеҥ актерлан эше моло пашам кычалаш логалеш. Тачысе труппым ончалаш гын, эн ӱшанлыже кодыныт манаш лиеш. Ме Саша дене коктынат театрым уло чон дене йӧратена. Тидлан лӱмын тунемынна. Ты профессийым ойырен налмылан нигунам ӧкынен огынал. Мутат уке, Сашалан эше моло вере пашам ышташ логалеш.
Юмылан тау, театр пачерым пуэн. Кызытсе илышыште шке окса дененалаш самырык ешлан пеш неле.
- Алина, тый эше моторын мурет. Мурызо семын сценыш чӱчкыдынрак лекташ кумылет уке?
- Театрын эртарыме концертыште мурем. А эстрада мурызо семын, уке, мураш кумылем уке. Мый драматический артист улам, лач ты могырым вияҥаш шонем. Такше марий артист и мурышаш, и куштышаш.
- А бенефислан молан лачак «Алиса, Аниса, Анфиса» спектакльым ойырен налынат?
- Ончычшо «Кугезе муро» дене эртараш шоненам ыле. Но театрым вуйлатыше-влак дене кутырен, тыгай иктешлымашке толна: тиде – драма, ончаш нелырак. А бенефис пайрем кумылан лийшаш. Тыге Вячеслав Абукаевын комедиешыже шогална. Ты спектакль 2005 ийыштак шындалтын. Мыйым такше илышыштат чӱчкыдын Алиса маныт. Тудо образ калыклан шарналт кодын. Но прототип манаш йӧршеш келшен ок тол. А роль мыйын артист пашаштем сай палым коден. Ик могырым, тудо нелын ышталтын. А вес могырым, тиде рольлан кӧра ончыкыжо мый шканем утларак ӱшанаш тӱҥалынам. Актерский моштымашем утларак почылтын, шонем. Тидлан чуваш режиссер Николай Васильевич Корчаковлан таум ыштем. Чаманен каласыман, тудо тиде илыш гыч кайыш.
А мый мучаште иктым палемден кодыде ом керт. Ӱмаште Алина Егошиналан Марий Элын сулло артисткыже лӱмым пуымо нерген увертарымеке, театрыш погынышо калык тудын дене пырля чот куаныш. Тиде артистлан – эн кугу пиал. Ончышын кугу акше вийым ешара, мастарлыкым шуараш кумылаҥда. Ме Алиналан чыла шонымашкыже шуаш тыланена. Тек театр сценыште классикыште модашат пиал шыргыжалеш. Касвел эллашке ммиен савырнашат йӧнжӧ лектеш (тыгай шонымашымат ушыштыжо арала).    

С.БЕЛКОВА.  
Снимкыште: пиалан еш.
(Фотом еш альбом гыч налме.)

«Марий Эл» газет 2011 ий 19 ноябрь

 

Афише

10 декабрьыште /шм/ -
Премьера
Осал чоялык да йöратымаш
16.00 шагатлан
Билетым налаш  

11 декабрьыште /рш/ -
Лесная сказка
11.00 шагатлан 
Билетым налаш   

17 декабрьыште /шм/ -
Юмынӱдыр
16.00 шагатлан
Билетым налаш  

18 декабрьыште /рш/ -
Большое сердце маленького Хрю
14.00 шагатлан 
Билетым налаш  

25 декабрьыште /рш/ -
Большое сердце маленького Хрю
10.00 шагатлан - билетым налаш  
14.00 шагатлан - билетым налаш  
17.00 шагатлан - билетым налаш
 
29 декабрьыште /из/ - 
У Ий пайрем концерт
18.00 шагатлан 
Билетым налаш  

У ий дене!

3 январьыште /кш/ -
Йöратымаш да кöгöрчен-влак
16.00 шагатлан
Билетым налаш  

4 январьыште /вр/ -
Алиса, Анфиса, Аниса
16.00 шагатлан
Билетым налаш 

5 январьыште /из/ -
Эх, кушто ӱдырым муаш?..
16.00 шагатлан
Билетым налаш

6 январьыште /кг/ -
Марий ёлко
Чоя рывыж
10.00 шагатлан
Билетым кассыште налман 

7 январьыште /шм/ -
Поро пошкудо - пел кудо
16.00 шагатлан
Билетым налаш 

8 январьыште /рш/ -
Ойырледа? Огына ойырло!
15.00 шагатлан
Билетым налаш 

22 январьыште /рш/ -
Пысман корем
15.00 шагатлан
Билетым налаш 

27 январьыште /кг/ - 
Марий Элын калык арт., РФ-н сулло арт.
Иван Смирновын 
концертше
18.00 шагатлан 
Билетым налаш  

31 январьыште /кш/ -
Кресӱдыр
18.00 шагатлан
Билетым налаш  

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  45-16-04, 78-13-78 (касса),
тыгак
89371131952 (Алиса),
89278843375 (Елена) 
34-33-75 (Татьяна)
телефон-влак дене бронироватлаш лиеш.

Виртуальный тур

Йоднеда? Йодса

Те театрын кеч-кудо пашаеҥжылан йодышдам пуэн кертыда, но тыгодым кӧлан йодышым пуынеда – ончыкташ ида мондо. Йодышдам тудлан ончыктена.

Нажмите на изображение, чтобы его изменить

Тенийлан лӱмгече

 
20 октябрьыште
Марий АССР-ын сулло арт.
(1926-1982) -
90 ий 
 
13 ноябрьыште
Марий АССР-ын калык арт.
(1931-2007) -
85 ий 
 
 




Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)