Тале артист лийын толза

 

Марий тÿвыран историйыштыже эше ик у лаштык почылтеш. Шочмын Москошко М.С.Щепкин лÿмеш кÿшыл театр училищыш 20 ÿдыр-рвезым ужатышна. А тылеч ончыч нунылан пел ий наре шкеныштым тергаш кÿлын, конкурс гоч эртеныт. Чылаже 60 наре еҥ артист лияш кумылым ончыктен.
Ончыклык актёр-влакым тора корныш ужаташ ача-ава, йолташ-шамыч дене пырля тÿвыра, печать да национальность паша шотышто министр Михаил Васютин, Кугыжаныш Думын депутатше Лариса Яковлева (тудо Москошко марий ÿдыр-рвезе-влакым тунемаш колтымо шотышто кугу пашам шуктен), М.Шкетан лÿмеш театрын тÿҥ режиссержо Роман Алексеев да директоржо Юрий Русанов толыныт, поро шомакым ойленыт.
М.Шкетан театр тÿвыра министерствын полшымыж дене ончыклык артист-влаклан мотор марий костюмым ургыктен да автобус дене Москош шумеш намиен коден. А марий предприниматель Нина Орман йолчиемым пöлеклен. Кушеч да кöмыт улыт ончыклык артист-влак?

 Кум Иванов, кокыт гыч Александровмыт ден Соловьёвмыт да...

Волжский район Сотнур гыч Михаил Александров, Тошнер гыч Акпарс Иванов, Вакутсола гыч Марина Трутников, Пöтъял гыч Андрей Яруков.
Йошкар-Ола гыч Эрвина Гордеева, Екатерина Копцева.
Курыкмарий район Изи Йоласал гыч Алексей Юнусов.
Кужеҥер район Йÿледÿр гыч Екатерина Малинина.
Медведево вел Лесной поселко гыч Мария Иванова.
Морко район Шÿргыял гыч Наталья Алексеева, Тыгыде Морко гыч Виктория Ильина.
Параньга район Сидыр почи
ҥга гыч Алексей Иванов.
Советский район Кужмарий гыч Светлана Александрова, Кöрдемтÿр гыч Дмитрий Воронцов.
У Торъял район Немда-Овалыже гыч Иван Соловьёв.
Шернур район Кугэ
ҥер гыч Владимир Албаев, ты районысо Чылдемыр гыч Марина Озеева, Марийсола гыч Вероника Соловьёва, Шернур посёлко гыч Игорь Антропов.
Пошкырт вел Калтаса район Тошто Яш гыч Генрих Тимиряев.
Теве нунын лÿмышт. Шарнен кодса. Ала икмыняр жап гыч нунын кокла гыч икмынярынже марий калыклан кумдан палыме артистыш савырнат. Ме нунылан тидым уло кумылын тыланена, вет М.Шкетан лÿмеш театрыште пашам ышташ – кугу чап.

 Ирина Степанова.

И.Речкинын фотожо.

"Кугарня" газет, 2011 ий 2 сентябрь

 

Афише

16 июньышто /кг/ -
Йӧратымаш? Йӧратымаш! Йӧратымаш... /12+/
18.00 шагатлан
Билетым кассыште налман

 

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  78-13-78 (касса)
телефон дене бронироватлаш лиеш.

Виртуальный тур

Задай свой вопрос!

Click on the image to change it

Тенийлан лӱмгече


23 апрельыште
МАССР искусствын сулло деятельже,
Марий Элын калык арт.
(1932-2009) -
85 ий 
 
12 августышто
Марий АССР-ын сулло арт.
(1927-1961) -
90 ий 

 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)