Сай пашалан – келшыше ак

М.Шкетан лӱмеш Марий национальный драма театр 29 апрельыште А.Вампиловын «Старший сын» пьесыж почеш шындыме «Кугерге» спектакль дене шкенжын черетан тургымжым петырыш.
Тудо тений поян ыле. Ноябрь тылзыште кок ийлан ик гана эртаралтше Финн-угор театр-влак фестиваль гӱжлен эртыш. Тудын репертуарыштыже тӱрлӧ сынан спектакль лийын. Нунын коклаште мемнан театрна эше ик гана ик эн виян улмыжым пеҥгыдемдыш.  Каласыман,  черетан тыгай театр пайрем Мордовийыште  лиеш. Тыгак «Йошкар-Ола театральный» фестиваль ты гана марий драма театрын коллектившылан шуко призерым ешарыш.
А театрын у пашаже-влак коклаште тений «Юзо гармонь» (В.Григорьев),  «Вождь краснокожих» (О.Генри), «Кугезе муро» (В.Регеж-Горохов), «Кугерге» (А.Вампилов) лийыныт. Майыште эше ик премьера сценыш лектеш. Тиде – татар драматург И.Зайниевын «Люстра» пьесыж почеш шындыме «Поро пошкудо – пел кудо» спектакль. Тургымым иктешлышыла, Чуваш театр дене кылым ыштымым палемден кодыман. Тыге, Марий театр пошкудо-влак дене «Вучо,- мане,- пӧртылам» спектакльым модо. А нуно А.Волковын «Оръеҥ мелнажым» мыланна тамлен ончаш темлышт. Кок вашлиймашыжат пеш шокшын эртыш. Тӱҥжӧ – ончышо-влаклан пошкудо-влак дене кыл кӱлешан улмо шижалте.
Марий драма театр ынде икмыняр ий почела тургымым мучашлыме годым шке пашаеҥже-влакым шергакан пӧлек дене палемда. Тений сценыш тӱрлӧ кугытан призлан кӱзышӧ-влак поснак шукын улыт ыле. Водитель, тӱрлӧ цехласе пашаеҥ-влак гыч тӱҥалын эн чаплын модшо актер–шамыч марте. Мо сайже, тиде суапле пашашке  администраций спонсор-влакым кумдан уша. Нуным театрын директоржо Ю.Русанов ӱшанле йолташна-влак манеш. Нуным чынжымак тыге манаш лиеш.  Профессиональный искусствым вияҥдымашке шке надырыштым пыштен, тиде еҥ-влак моткоч суапле пашам ыштат.
Лудшо, чытен-чытыде, усталык аланыште тыршыше кокла гыч кӧм палемденыт манын вуча, очыни. А теве нунын лӱмышт:
Эн сай режиссер – Алексей Ямаев;
Ончышылан эн чот келшыше актер – Иван Смирнов;
3-шо степенян диплом да пӧлек – Сергей Данилов;
2-шо степенян диплом да пӧлек – Алина Егошина, Алексей Тетерин;
1-ше степенян диплом да пӧлек – Павел Ефимов;
Тӱҥ приз (турпутевка)– Маргарита Медикова.
Каласыман, театрын поро йолташыже-влак коклаште  печать, радио да телевидений пашаеҥ-влакат улыт. Администраций лӱм дене тауштен, нунылан «Сандал» марий кочкыш кафе шке сертификатшым кучыктен.
С.БЕЛКОВА.
Снимкыште: А.Герасимов “Нью-Трейд” компаний лӱм дене А.Егошина ден А.Тетеринлан  2-шо степенян дипломым да кажныжлан  10  тӱжем теҥгелан картым кучыкта.
Д.Речкинын фотожо. 

«Марий Эл» газет. 2011 ий 5 май  

«Марий Эл» газет 2011 5 май

 

Афише

2 декабрьыште /кг/ - 
Сӧсна поминка
18.00 шагатлан 
Купить билет 

4 декабрьыште /рш/ - 
Премьера
Эргымлан кузык
16.00 шагатлан 
Купить билет 

6 декабрьыште /кш/ -
В некотором царстве
11.00 шагатлан 
Купить билет   

10 декабрьыште /шм/ -
Премьера
Осал чоялык да йöратымаш
16.00 шагатлан
Купить билет  

11 декабрьыште /рш/ -
Лесная сказка
11.00 шагатлан 
Купить билет   

17 декабрьыште /шм/ -
Юмынӱдыр
16.00 шагатлан
Купить билет  

18 декабрьыште /рш/ -
Большое сердце маленького Хрю
14.00 шагатлан 
Купить билет  

25 декабрьыште /рш/ -
Большое сердце маленького Хрю
10.00 шагатлан - купить билет  
14.00 шагатлан - купить билет  
 
29 декабрьыште /из/ - 
У Ий пайрем концерт
18.00 шагатлан 
Купить билет  

У ий дене!

3 январьыште /кш/ -
Премьера
Йöратымаш да кöгöрчен-влак
16.00 шагатлан
Купить билет  

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  45-16-04, 78-13-78 (касса),
тыгак
89371131952 (Алиса),
89278843375 (Елена) 
34-33-75 (Татьяна)
телефон-влак дене бронироватлаш лиеш.

Виртуальный тур

Йоднеда? Йодса

Те театрын кеч-кудо пашаеҥжылан йодышдам пуэн кертыда, но тыгодым кӧлан йодышым пуынеда – ончыкташ ида мондо. Йодышдам тудлан ончыктена.

Нажмите на изображение, чтобы его изменить

Тенийлан лӱмгече

 
20 октябрьыште
Марий АССР-ын сулло арт.
(1926-1982) -
90 ий 
 
13 ноябрьыште
Марий АССР-ын калык арт.
(1931-2007) -
85 ий 
 
 




Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)