Марий сценыште - чуваш «Оръеҥ мелна»

Марий национальный ден Чуваш академический театр-влакын икте-весын сценыште спектакль-влакым ончыкташ кутырен келшымышт нерген возенна ыле. Тыге, 7 апрельыште Шупашкарыш марий актер-влак «Вучо,- мане, - пöртылам» паша дене мийышт. А эрла М.Шкетан лÿмеш драма театрыште пошкудо республикысе артист-шамыч А.Волковын пьесыж почеш шындыме «Оръеҥ мелна» спектакльым модыт.
Кодшо шочмын Чуваш театрын директоржо В.П.Ефимов, тÿҥ художникше Ю.П.Матросов, Чуваш Республикын сулло артистше Г.П.Медведев да актриса Марина Яковлева тидын шотышто марий журналист-влаклан пресс-конференцийым эртарышт.
«Оръеҥ мелнам» чуваш коллегыже-влаклан марий режиссер В.А.Пектеев 2004 ийыште шындаш темлен да шкеак сценыш луктын.
- Тудо пеш кÿчык жапыште, тылзат пеле наре пагытыште, шындалтын,- палемдышт уна-влак. – Вет Василий Александрович тудым уже сем дене келыштарыме, куштымаш шотышто шинчаончылныжо ужын. Сандене актер-влаклан режиссерын шонымашыжым илышыш пурташ веле кодын.
Спектакльым калык моткоч шокшын вашлийын, да ынде 7-ше тургым тудо аншлаг дене эрта, манаш лиеш.  «Оръеҥ мелнам» чуваш артист-влак эреак вес кундемлашке гастроль дене лекме годым ончыктеныт.
- Чылаже ты спектакльым 33 187 зритель ончен,- цифр йылме дене палемдыш Г.Медведев.
А марий сценышке лекшыже 110-шо спектакль лиеш. Икманаш, шке шотан юбилей.
Кузе ила да пашам ышта Чуваш театр? Журналист-влакын чыла йодышыштлан уна-влак тичмаш вашмутым пуышт. Театр ий еда 6 премьерым сценыш луктеш. Режиссер да актер-влак тÿрлö материал дене пашам ыштат. Но кызытсе драматургий утыжым огеш куандаре. Возышо-влакым кумылаҥдышашлан драматург-влак коклаште конкурсым увертареныт. Тиде традиций, коеш, чыла гаяк республикыште вийым налеш. Тылзе еда кокла шот дене ончымаште 24, идалыкыште 280 спектакльым модыт. Мемнан семынак тÿрлö площадкым кучылтыт. Март тылзыште, мутлан, 46 спектакльым модыныт, кечыште кумыт-нылыт денат логалын.
Кугыжаныш у пашам шындаш идалыкыште 500 тÿжем теҥгем ойыра. Мутат уке, тиде пеш шагал. Но национальный театр-влак изи окса дене кугу пашам ышташ тунем шуыныт.

С.БЕЛКОВА.
Снимкыште: Чуваш уна-влак Марий коллегышт дене пырля Йошкар-Олаште пресс-конференций годым.

"Марий Эл". 2011 ий 20 апрель

 

Афише

16 июньышто /кг/ -
Йӧратымаш? Йӧратымаш! Йӧратымаш... /12+/
18.00 шагатлан
Билетым кассыште налман

 

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  78-13-78 (касса)
телефон дене бронироватлаш лиеш.

Виртуальный тур

Задай свой вопрос!

Click on the image to change it

Тенийлан лӱмгече


23 апрельыште
МАССР искусствын сулло деятельже,
Марий Элын калык арт.
(1932-2009) -
85 ий 
 
12 августышто
Марий АССР-ын сулло арт.
(1927-1961) -
90 ий 

 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)