Ваш кылдалтыныт эртыме корнынат, тачысе илышнат

Рÿдö театр да рÿдö марий газет… Калыкнан сылнылык тÿняжым, йÿлажым, йылмыжым пойдарымаште нуно эреак тÿҥ верым налын шогеныт. Классикна-влак С.Г.Чавайн, Я.П.Майоров-Шкетан сылнымутнам, театрнам вияҥдыме дене пырля рÿдö марий газетлан тÿҥалтыш ошкылым ышташ, йол ÿмбак пеҥгыдын шогалаш полшеныт. Кузе марий театр шочын, кузе вияҥын толын, кузе пьеса возалтын, могай спектакль кузе шындалтын, режиссёр могай надырым пыштен, артист-шамыч кöмыт да кузе рольым модыныт — чылажат тÿрлö ийласе газет лаштыкеш аралалтын кодын. Шочмо йылмым, тÿвырам пойдарымаште, калык деке намиен шуктымаште театр да газет тачат тÿвыргынак пашам ыштат. Кодшо вÿргечын М.Шкетан лÿмеш национальный драма театрыш марий артист-шамыч дене вашлиймашке ме, «Марий Эл» газетын пашаеҥже-шамыч, уло кумылын мийышна. Театрын изи репетиций залышкыже артист-шамыч рÿжге погыненыт. Вашлиймаште икте-весым пагалыме кумыл озаланыш. Иктєр мутланышна, манаш лиеш. Артист-шамыч газетнам вучат, лудыт. Вучат нунын нерген возымым, вучат сценыште шындыме у спектакльым радамлыше, акым пуышо статья-влакым.
— Тидым ышташ кызыт чыла йöнна да усталык вийнат уло, — каласыш тÿҥ редакторнан алмаштышыже, Марий Элын сулло журналистше С.М.Белкова. Светлана Мартьяновна «Марий Эл» газет редакцийыште ятыр ий пашам ышта. Театр нерген чон пыштен сера.
Кумылнам ушыш тиде вашлиймаште тыгак сылнымут. Ушыш поэзий. «Марий Эл» газетын сылнымут ужашыжым вуйлатыше, Марий Эл культурын сулло пашаеҥже Зоя Дудина пєлек шотеш «Шеремет, Шернурет» у почеламут сборникшым намиен ыле. Поэтесса шкежат почеламутшым лудын пуыш.
Российын сулло артисткыже Маргарита Медикова Зоя Михайловнан поэзийжылан шукертак шÿман. А кузе мастарын лудо почеламутым тудо вашлиймаште. Тиде — кугу усталык.
— Сылнымут саска дене палдарыш тыгак Марий Элын сулло журналистше Юрий Григорьев. Тудат театр илыш, актёр-влакын пашашт нерген шуко воза.
– Жапше годым сылнымутчо, театрын артистше, музыкант-шамыч, погынен, республикысе яллашке чÿчкыдын лектын коштмо. Мемнан дене пырля газет пашаеҥат лиеден. Театр искусствым, сылнымутым калыкыште чапландарыме паша газет лаштык гоч почын ончыкталтын. Тиде йöным кучылташ тачат лиеш, — шонымашыжым луктын каласыш Марий Элын калык артисткыже Раисия Макарова.
Моло темлымашат йоҥгалте. Тиде вашлиймашыш толшо артистна-шамыч кокла гыч шукынжо рÿдö марий газетлан возалташ кумылаҥыч. Тугеже кылна ончыкыжо эше пеҥгыдемеш.
Ю.Михайлов.

Марий Эл, 2011 ий 29 март

 

Афише

16 июньышто /кг/ -
Йӧратымаш? Йӧратымаш! Йӧратымаш... /12+/
18.00 шагатлан
Билетым кассыште налман

 

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  78-13-78 (касса)
телефон дене бронироватлаш лиеш.

Виртуальный тур

Задай свой вопрос!

Click on the image to change it

Тенийлан лӱмгече


23 апрельыште
МАССР искусствын сулло деятельже,
Марий Элын калык арт.
(1932-2009) -
85 ий 
 
12 августышто
Марий АССР-ын сулло арт.
(1927-1961) -
90 ий 

 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)