Новости театра

Кеҥежымсе отпуск деч вара октер ден режиссер-влак пашаш лектыныт, театр угыч ылыжын. Кум залыште у постановкым ямдылыме паша шолеш. А эше ик у спектакльым – «Уло яллан ик Йогорым» – 21 августышто артист-влак Марий-Турек районысо Арборышто модын ончыктеныт. Тудым режиссер РФ-н сулло арт. Василий Домрачев шынден, авторжо – белорус драматург Василь Ткачев.

Тений кеҥеж театрын артистше-влаклан ойыртемалтше мероприятийла дене шарналт кодеш. Эн ончычак – кава йымалне модмо спектакль дене. Тыге, 8 июльышто Морко район Унчо селасе марий сурт-оралте музей комплексыште М.Шкетанын пьесыж почеш шындыме «Ачийжат-авийжат» спектакльым калык куанен ончен. Тыгай условийыште модаш артист-влаклан шканыштат оҥай лийын.

2019 ий 29 ноябрьыште М.Шкетан лӱмеш Марий драме театр 100 ияш лӱмгечыжым палемдаш тӱҥалеш. Тенийсе чыла мероприятий тиде дате дене кылдалтын. Тышеч иктыже – «Ачийжат-авийжат» спектакль. М.Шкетанын пьесыж почеш шындыме тиде чапле спектакльым 8 июльышто артист-влак Морко район Унчо селаште модын ончыктат. Кеҥеж умыр кастене ача-ава ден икшыве-влак коклаште мо ышталтмым шке шинча дене эскераш пеш оҥай лиеш, шонена.

М.Шкетан лӱмеш театрын йӱдвел могырыштыжо «Кеҥеж сад» почылтын. Печен налме тиде кумдыкышто сценым келыштарыме, мероприятий годым теҥгылым вераҥдат. Воктенак – пеледышан клумбо. Тыште кызыт артист-влак тӱҥ шотышто турист-влакым вашлийыт. Мутлан, Пеледыш пайрем кечын Йошкар-Олан унаже-влаклан «Наследие» программым ончаш темлышт. 

 

Additional information

До празднования 100-летия театра осталось