Новости театра

Тиде чылажат М.Шкетан лӱмеш Марий национальный драме театрын 100 ияш лӱмгечыжлан пӧлеклалтын. 
Ий еда июнь тылзын икымше рушарнянже курыкышто куржталаш кумылан-влак Волжский районысо Шайра кундемыш погынат. Мӱшыл ер кундемыште тений 2 июньышто М.Шкетан театрын актержо ден пашаеҥже-влакат стартыш лектыт. Каласыман, нунын кокла гыч ятырынже спорт дене пеҥгыде кылым кучат. Культур пашаеҥ-влак профсоюз рескомын эртарыме спартакиадылаште эреак призовой верым налыт.

Российысе Театр марафон Юл кундем федерал округышто эрта. 1 майыште Казаньыште, К.Тинчурин лӱмеш ттатар кугыжаныш драме да комедий еатрыште, Театр идалык жапыште эртыше марафонын символжым РМЭ культур, печать да калык-влакын пашашт шотышто министрын алмаштышыже М.Матвеев Татарстанын культур министрже Ирада Аюповалан кучыктен.

Моло ийласе семынак теният М.Шкетан лӱмеш Марий драме театрын пашаеҥже-влак 26 апрельыште эртыше Талешке кечын мероприятийлашкыже кумдан ушненыт. Тудо шым шагат эрдене марий сылнымутын классикше С.Чавайнын памятникше воктеке пеледышым пыштыме гыч тӱҥалын. Кечывал деч вара шагатлан театр воктене Я.П.Майоров-Шкетанлан шогалтыме бюст воктене «Талвий» сылнымут марафон тӱҥалын.

30 апрельыште С.Чавайнын «Элнет» спектакль дене театр лӱмгече тургымжым петырыш. Тудо у спектакльлан поян лийын. Поснак «Элнет», А.Спиридоновын эпосшо негызеш шындыме «Югорно» спектакль-влак нерген палемдыман. Финн-угор театр-влакын «Майатул» фестивальыштышт А.Островскийын «Снегурочка» пьесыж почеш шыныдме «Кӧ кечым пӧртылта» комедий эн кугу премий – Гран-при дене палемдалтын...

Россий кӱкшытыштӧ «Театр нерген возена!» театральный рецензий да театрлан пӧлеклалтше йоча сӱрет конкурс-влакым увертарыме. Тудын региональный этапше Марий Элыштат лиеш. Конкурс-влак Российыште Театр идалык да йоча-влаклан пӧлеклалтше «Театр – йоча-влак» культурно-образовательный проектым илышыш шыҥдарыме кышкарыште эртаралтыт.

Additional information

До празднования 100-летия театра осталось