Тудын ийготан сценыште модшо артист Шкетан театрыште таче тетла уке. Такше тиде пӧръеҥлан тӱжвач ончен тынарым от пу – тунар чулымын ошкыл колта, чыла самырыкшак поктенат ок шу, шонет. Лач ала-кунамсе шеме-шеме ӱпшым покшым налын каен – чылт ошемын. Шомакем - Марий АССР-ын сулло артистше Юрий Алексеев нерген. 26 августышто Юрий Валерьевичлан 70 ий теме. Тудым М.Шкетан театрыште пашам пырля ыштыше, сценыште пырля модшо йолташыже-влак саламлышт. Пеҥгыде тазалыкым, кужу ӱмырым, сценыште эше шуко оҥай рольым модаш тыланышт.

Additional information

До празднования 100-летия театра осталось