Кеҥежымсе отпуск деч вара октер ден режиссер-влак пашаш лектыныт, театр угыч ылыжын. Кум залыште у постановкым ямдылыме паша шолеш. А эше ик у спектакльым – «Уло яллан ик Йогорым» – артист-влак Марий-Турек районысо Арборышто модын ончыктеныт. Авторжо – белорус драматург Василь Ткачев.
Ончышо у пашам сайын вашлийын. Вес семынже лийшашашат огыл ыле, очыни. Артист-влак сценыште нунын илышышт гыч ужаш-влакым модыт. Шкет кодшо илалше еҥ ялллаште шагал огыл. А эше тушто кум пӧрт веле гын, илаш куштылгак огыл. Йогор деч посна Павловна ден Окрошко мом ыштат ыле?.. Эше мо оҥайже, самырыкышт годым нунын кокла гыч иктыже Йогорым йӧратен улмаш, а Йогоржо – пьесысе вес героиньыжым. Йӧратымаш шижмаш 70 ийыш тошкалмекат помыжалт кертеш вет…
Тиде кечылаште Маргостеатр еш илыш нерген каласкалыше вес оҥай комедий – «Ӱжында?» спектакль дене Шернур, Морко, икмыняр моло районлашке лектеш.

 

Additional information

До празднования 100-летия театра осталось