Тений кеҥеж театрын артистше-влаклан ойыртемалтше мероприятийла дене шарналт кодеш. Эн ончычак – кава йымалне модмо спектакль дене. Тыге, 8 июльышто Морко район Унчо селасе марий сурт-оралте музей комплексыште М.Шкетанын пьесыж почеш шындыме «Ачийжат-авийжат» спектакльым калык куанен ончен. Тыгай условийыште модаш артист-влаклан шканыштат оҥай лийын.
Вес кугу событий – Йошкар-Олаште 12-20 июльышто Йошкар-Олаште эртыше Инвалид-влакын III кеҥежымсе спартакиадышт. Тудым кугу шоу-программе дене почмаште Марий национальный театрын артистше-влакат мастарлыкым ончыктеныт.
Тений Йошкар-Олан кечыже пайрем ойыртемалтше лийын. Рӱдӧ уремла дене оласе предприятий-влакын пашаеҥышт тӱрлӧ оҥай костюмым чиен эртеныт. Мемнан артист-влак тидлан «Вий-ар – ме» рок-опер гыч герой-влакын вургемыштым кучылтыныт. Варажым нуно Патриарший площадьыште тиде спектакль гыч ужашым модын ончыктеныт, икмыняр концерт номерым калыклан темленыт.

 

Additional information

До празднования 100-летия театра осталось