Тиде чылажат М.Шкетан лӱмеш Марий национальный драме театрын 100 ияш лӱмгечыжлан пӧлеклалтын.
Ий еда июнь тылзын икымше рушарнянже курыкышто куржталаш кумылан-влак Волжский районысо Шайра кундемыш погынат. Мӱшыл ер кундемыште тений 2 июньышто М.Шкетан театрын актержо ден пашаеҥже-влакат стартыш лектыт. Каласыман, нунын кокла гыч ятырынже спорт дене пеҥгыде кылым кучат. Культур пашаеҥ-влак профсоюз рескомын эртарыме спартакиадылаште эреак призовой верым налыт.
А кастене Нурмучаш Шайра ялысе культур пӧртыштӧ театрын артистше кугу пайрем концертым ончыктат. Сценыш РФ-н сулло артистше-влак Иван Смирнов, Маргарита Медикова, Олег Кузьминых, РМЭ-н калык артисткыже Светлана Строганова, РМЭ-н сулло артисткыже-влак Алина Егошина, Марина Почтенева лектыт. Нунын деке самырык талант-влак ушнат. Тиде Марина Воронцова, Иван Соловьев, Алексей Юнусов. Программе мурылан, куштымашлан, мыскаралан поян лиеш.
Кеҥеж кастене Шкетан театрын артистше-влак дене пырля каналташ, мурымышт почеш шогал куршталташ – чынжымак, кугу пиал!
Концерт 18.30 шаг. тӱҥалеш.

 

Additional information

До празднования 100-летия театра осталось