Российысе Театр марафон Юл кундем федерал округышто эрта.
1 майыште Казаньыште, К.Тинчурин лӱмеш ттатар кугыжаныш драме да комедий еатрыште, Театр идалык жапыште эртыше марафонын символжым РМЭ культур, печать да калык-влакын пашашт шотышто министрын алмаштышыже М.Матвеев Татарстанын культур министрже Ирада Аюповалан кучыктен.
М.Шкетан лӱмеш Марий национальный драме театр К.Тинчурин лӱмеш театрын сценыштыже кум спектакльым ончыктен. 1 майыште марий калык йомак негызеш йоча-влаклан шындыме «Нӧнчык патыр» музыкальный, кастене татар драматург З.Хакимын пьесыж почеш ямдылыме «Ӱжында?» спектакль-влак аншлаг дене эртеныт. А 2 майыште татар ончышылан «Салика» музыкальный комедийым темлыме.
Шокшын вашлиймыштлан коллеге-влаклан кугу таум ыштена. Тауштена театр марафонын организаторжо-влаклан, тудын полшымыж дене пайрем кугу кӱкшытыштӧ эртен. Миен кошташ кугу да йӧнан автобусым, «Свияжские холмы» курорт-олаште сай илымверым ойырымо кумылым вӱчкен.
Корнет пиалан лийже, марафон!

 

 

Additional information

До празднования 100-летия театра осталось