30 апрельыште С.Чавайнын «Элнет» романже почеш шындыме тыгаяк лӱман спектакль дене театр лӱмгече тургымжым петырыш. Тудо у спектакльлан поян лийын. Поснак «Элнет», А.Спиридоновын эпосшо негызеш шындыме «Югорно» спектакль-влак нерген палемдыман. Икымшыже сценыш пел курым гыч пӧртылын гын, кокымшыжо икымше гана шындалтын. Финн-угор театр-влакын «Майатул» фестивальыштышт А.Островскийын «Снегурочка» пьесыж почеш шыныдме «Кӧ кечым пӧртылта» комедий эн кугу премий – Гран-при дене палемдалтын. «Театральный Йошкар-Ола» фестивальыште жюри «Элнет» спектакль ден «Вий-ар – ме» рок-оперлан кӱкшӧ акым пуэн. Театрын художественный вуйлатышыже В.Пектеев «Салика» (С.Николаев) спектакльым угыч шынден. Калыкын кумылжым «Йорга вате» (А.Волков) ден «Ӱжында?» (З.Хаким) комедий-влак савыреныт. Йоча-влаклан «Морозко», «Новогодний переполох», «Нӧнчык патыр» йомак-влакым темлыме.
100 ияш лӱмгече ийын театр республикысе районлашке лектын, Татарстаныште, Башкортостаныште, Свердловский областьыште илыше марий-влак деке гастроль дене миен.
Пытартыш тургымышто сай лектышын шумылан самырык актер-влак Акпарс Иванов, Игорь Антропов, Генрих Тимиряев, Екатерина Александрова, Марина Трутникова, Мария Андреева РМЭ-н культур, печать да калык-влакын пашашт шотышто министерствыжын Тауштымашыже дене палемдалтыныт.
Тургым мучашлалтын, но паша умбакыже шуйна. Усталык группо-влак у тургымлан у спектакль-влакым ямдылат.

 

Additional information

До празднования 100-летия театра осталось