М.Шкетан лӱмеш Марий национальный драме театр Российысе Театр марафоныш ушнен. Тудо Театр идалыклан пӧлеклалтын да январь тылзыште Владивостокышто стартым налын, декабрьыште Калининградыште мучашлалтеш. Тушко чыла 85 кундем ушна.
Марафонын программыж дене келшышын, мемнан театр Озаҥ олаште, К.Тинчурин лӱмеш Татар кугыжаныш драме да комедий театрын сценыштыже модаш тӱҥалеш. 1 майыште йоча-влаклан марий калык йомак негызеш шындыме «Богатырь из теста» (11.00 шагатлан тӱҥалеш), кугыеҥ-влаклан З.Хакимын пьесыж почеш шындыме «Ӱжында?» (17.00 шагатлан тӱҥалеш) спектакль-влакым ончаш темла. А 2 майыште Марий театрын визитный картычкыжлан шотлалтше, тений идалык тӱҥалтыште угыч шындыме «Салика» спектакль лиеш. Тиде музыкальный комедийым «Марий кундем» калык семӱзгар оркестрын шоктымыжо сӧрастара.
Театрлан 100 ий темме идалыкыште Озаҥыште да Татарстаныште илыше марий-влак Марий театрым молгунамсе семынак куанен вашлийыт манын ӱшанена.

Additional information

До празднования 100-летия театра осталось