Черетан 25-ше «Театральный Йошкар-Ола» фестиваль шеҥгелан кодо. 27 мартыште, Театрын тӱнямбал кечынже, тудым иктешлыме, сеҥыше-влаклан Йыван Кырла лӱмеш премийым кучыктымо.
Мемнан театрын художественный вуйлатышыже, РМЭ искусствын сулло деятельже В. А. Пектеев «За честь и достоинство» номинацийыште лауреат лийын.
Фестивальын жюрижын посна премийже дене палемдалтыныт:
- режиссер В.А.Пектеев – С.Чавайнын «Элнет» романже почеш сай художественный кӱкшытан спектакльым сценыш лукмылан;
- актер-влак Иванов Акпарс ден Александрова Светлана – сай актер дуэтлан;
- «Вий-ар – ме» рок-оперыште модшо-влак - «Актер ансамбль» премий дене.
Кужу жап пашам сайын ыштымыжлан театрын программистше Алевтина Соловьевалан Марий Эл Республикын Главажын Тауштымашыжым кучыктымо; 2018 ийын паша лектышыж почеш, театрын директоржо Э. А. Юзыкайнлан – Марий Эл Республикын культур, печать да калык-влакын пашашт шотышто министерствыжын Тауштымашыжым.

Сергей Таныгин "Лучшая сценография" номинацийыште лауреат лийын, Курчак театрысе «Йӱд орол" спектакльлан.

 

Additional information