«Театральный Йошкар-Ола» фестивальыште М.Шкетан лӱмеш театрын ончыктымо кокымшо спектакльже «Элнет» ыле. С.Чавайнын тыгаяк лӱман романже почеш ямдылыме да сценыш лукмо ты паша марий еҥлан, мутат уке, моткоч шерге. Тушто ача-кочана-влакын кодшо курым тӱҥалтыште шке мланде верч тавадаҥ шогымо, марий интеллигенцийын шочмыжо, тудын шочмо марий калыкшын волгыдо ончыкылыкшо, шке йылмыже верч чон йӱлымӧ теме-влак ончыл радамыш лектыт. Фестивальын жюриштыже пашам ыштыше, Россий кӱкшытан критик-влак тыгай йодышым нӧлталмым сайлан шотлен, тиде национальный театрын шуктышаш пашаже манын акленыт. Режиссерын пашажымат, актер-влакын модмыштымат радамлын лончыленыт. Нунын мутышт театрым ончыкыжат кычалаш, ончышын чонжым тарватыше драматургий материалым сценыш лукташ тарата.

 

Additional information

До празднования 100-летия театра осталось