29 ноябрь – М.Шкетан лӱмеш Марий национальный драме театрын шочмо кечыже. 99 ий ончыч тиде кечын передвижной театр Чарла воктенсе Сенькан школышто Тыныш Осыпын драмыж почеш «Закон шумлык» спектакльым модын ончыктен.
Пьесын авторжо тудо кас нерген вараже тыге шарналтен возен: «29 ноябрьыште лийше икымше спектакльым пеш мокштышт. Артист-влакым калык пеш шокшын, кугу куан дене вашлийын, совым рӱж кырен. Пьесын содержанийже калыкын кумылжылан келшыше ыле…» Чарла гыч калык туныктымо пӧлкан вуйлатышыже И.П.Петров миен да погынышо калыклан совет властьын политикыж нерген умылтарен ойлен. Тӱҥ режиссер И.Т.Беляев театр молан кӱлмӧ да тудын шуктышаш сомылжо дене палдарен.
Вес шуматкечын, 6 декабрьыште, Сенькан школыш эшеат шукырак погыненыт. Ты гана вигак кум пьесе темлалтын: «Поран» (А.Конаков), «Кӧ винамат?» (В.Сави), «Ушыжо пурыш» (И.Беляев рушла гыч кусарен).
Идалык гыч театр коллектив 100 ияш лӱмгечым чапле репертуар да кугу концерт программе дене палемдаш ямдылалтеш.

Additional information

До празднования 100-летия театра осталось