Кудрявцев Андрей Андреевич
КУДРЯВЦЕВ  АНДРЕЙ АНДРЕЕВИЧ (1926—1982),
Марий АССР-ын сулло артистше (1957),
Марий телевиденийын режиссержо

 

 

Упша ялын эргыже

Оршанка районысо Упша кундемыште кö лийын гын, сайын пала: тиде пеш кугу ялеш ончыкылык артист Андрей Кудрявцев шочын.
— Кажне гана йоча пагытым шоналтымем годым,— манеш Андрей,— ушышкем тыгай шонымаш толын пура: Совет власть огыл гын, мыланна мом ужаш логалеш ыле...
Но рвезе пиалан жапыште шочын. Тудын вуйжо ÿмбалне Октябрьын волгыдо шÿдыржö йолген.
Упша кундем шукертсек шке калыкшын весела койышыж дене, илышым йöратыше улмыж дене ойыртемалтеш. Тыште уста мурызо ден куштызо-влакым поснак пагалат. Тидлан кöрак, очыни, кудыр вуй Ондрен сайын кушташ тунеммыже моткоч шуын. Ялысе илыше-влак кокла гыч ала-кудыжо воштыл ойлен: «Сайын кушташ тунеммет шуэш гын, мончаште тунем». А мо, рвезе ÿшанен вет. Кечывал жапыште, еҥ-влакын пашаште лиймышт годым, нуно Пöтыр Йыван дене коктын, лунчырген пытыше гармоньым пеленышт налын, пошкудо мончашке ошкеденыт. Йыван гармоньым шокта, а Ондре куштен. Тудо жапыште кас еда колхозник-влак коклаште чÿчкыдын монча коҥга урылтмо нерген ойлымым колаш лийын. Шке титакыштым шылташ тöчен, рвезе-влак йÿкым луктын огытыл.
Тунам Кудрявцев нине «репетицийын» кугу кышам кодышашышт нерген пален огыл.
1943 ийыште, Волжск оласе ремесленный училищым тунем пытарымек, Ондре Ленинград гыч эвакуироватлен кондымо заводышто токарьлан пашам ышташ тÿҥалын. Капше дене тудо пеш изи лийын, санденак калык деч «малыш» деч моло лÿмым колын огыл. Токарный станок дене пашам ышташ тудлан яшлык ÿмбаке шогалаш логалын, уке гын кидше шуын огыл. А пашам рвезе тыршен ыштен. Идалык гыч заводысо лу эн сай пашазылан У ий бал-маскарадыш каяш яра билетым пуэныт. Нине пиалан еҥ коклаште Андрей Кудрявцеват лийын.
Театрыш погынышо еҥ-влак веселитленыт, муреныт, куштеныт. Руш муро семым татар сем алмаштен, татар муро деч вара украин муро йоҥген. Кенета Андрейын пылышыжлан моткоч чот палыме, шÿмым вургыжтарыше Йошкар-Ола велысе куштымо сем шоктен. Баяным уста музыкант-баянист Никита Смирнов шоктен. Музыкантын парняже модын веле, баян могай гына йÿкым луктын! А куштышо лийын огыл.
Тунам, ялысе мончаште тавен кийымыжым шарналтен, Упша ялысе рвезе покшеке тöрштен лектын. Ала-кушко йомын öрын шогымаш, вожылмаш. Кузе гына кадыргылын огыл Андрей! Кÿртньö таганан кугу ботинкын мрамор кÿварыш логалмыж еда тул сескем шыжен.
Куштен чарнымек, призым пуаш Андрей Кудрявцевым сценыш ÿжыныт. Тудлан «чонан призым» - сöсна игым кучыктеныт. Чыланат воштылыныт, совым кыреныт. Сöсна иге веле нимом умылен огыл, уло йÿкшö дене залым шергылтарен.
— Сöснам ужам гын, кызытат ушышкем тудо сÿрет толын пура,— ойла артист.
Сöсна иге дене шогылтмыж годым тудын деке кенета чаравуян, кÿчык капан кÿжгö марий миен лектын. Тудо рвезым вачыж гыч вÿчкен, ала-мом каласкален. А вожылшо рвезе нимомат умылен огыл. Тудо эсогыл тиде еҥын марий калыкын йöратыме артистше Илья Россыгин улмыжымат вара гына пален налын.
— Тыланет театральный студийыш тунемаш пураш кÿлеш. Тый дечет сай артист лектеш,— ойлен пытартышлан Россыгин.
Чыла тыге лиеш манын, Андрей шоналтенат кертын огыл. Тудым вигак студийын кокымшо курсышкыжо тунемаш налыныт. 1947 ийыште студийым тунем лектын. Тунамсе выпускник-влак коклаште Майя Романова, Мария Сапожникова, Виктор Бурлаков да молат лийыныт.
Марий АССР-ын заслуженный артистше Андрей Кудрявцевын творческий пашаж нерген мутым лукташ гын, иктым каласымат сита: 1947 ий гыч тудо сценыште шÿдö утла рольым модын —  «Кеҥеж йÿд» комедийыште Одоким кум, «Кай, кай Йыванлан» комедийыште Кузяк, «Айвика» драмыште Янгелде, «Ачийжат-авийжат» драмыште Мичи да шуко молат.
Пытартыш 1971-72 ийласе сезонышто «Ануш» драмыште чодыра орол партизанын да «Мÿкш отарыште» Корий кугызан рольыштым модын.
Пытартыш жапыште Андрейым режиссерский паша кумылаҥден, санденак шым ий наре тудо телевиденийыште режиссерлан ыштен. Тиде жапыште «Шÿкшудо», «Юмын языкше», «Вучыдымо окса», «Комсомол ÿдыр», «Ӧрмöк», «Ӱдыр чап» да моло телеспектакльымат шынден. Мутат уке, чыла пашажым ик семын аклаш ок лий. Но сеҥымашыже утларак лийын. Тидым зритель-влак деч чÿчкыдын колаш лиеш.
Тек тудо шке усталыкше дене калыкнам ончыкыжат куандра.

А. АВИПОВ.

«Марий коммуна», 1972 ий, 18 июль

 

Афише

10 декабрьыште /шм/ -
Премьера
Осал чоялык да йöратымаш
16.00 шагатлан
Билетым налаш  

11 декабрьыште /рш/ -
Лесная сказка
11.00 шагатлан 
Билетым налаш   

17 декабрьыште /шм/ -
Юмынӱдыр
16.00 шагатлан
Билетым налаш  

18 декабрьыште /рш/ -
Большое сердце маленького Хрю
14.00 шагатлан 
Билетым налаш  

25 декабрьыште /рш/ -
Большое сердце маленького Хрю
10.00 шагатлан - билетым налаш  
14.00 шагатлан - билетым налаш  
17.00 шагатлан - билетым налаш
 
29 декабрьыште /из/ - 
У Ий пайрем концерт
18.00 шагатлан 
Билетым налаш  

У ий дене!

3 январьыште /кш/ -
Йöратымаш да кöгöрчен-влак
16.00 шагатлан
Билетым налаш  

4 январьыште /вр/ -
Алиса, Анфиса, Аниса
16.00 шагатлан
Билетым налаш 

5 январьыште /из/ -
Эх, кушто ӱдырым муаш?..
16.00 шагатлан
Билетым налаш

6 январьыште /кг/ -
Марий ёлко
Чоя рывыж
10.00 шагатлан
Билетым кассыште налман 

7 январьыште /шм/ -
Поро пошкудо - пел кудо
16.00 шагатлан
Билетым налаш 

8 январьыште /рш/ -
Ойырледа? Огына ойырло!
15.00 шагатлан
Билетым налаш 

22 январьыште /рш/ -
Пысман корем
15.00 шагатлан
Билетым налаш 

27 январьыште /кг/ - 
Марий Элын калык арт., РФ-н сулло арт.
Иван Смирновын 
концертше
18.00 шагатлан 
Билетым налаш  

31 январьыште /кш/ -
Кресӱдыр
18.00 шагатлан
Билетым налаш  

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  45-16-04, 78-13-78 (касса),
тыгак
89371131952 (Алиса),
89278843375 (Елена) 
34-33-75 (Татьяна)
телефон-влак дене бронироватлаш лиеш.

Виртуальный тур

Йоднеда? Йодса

Те театрын кеч-кудо пашаеҥжылан йодышдам пуэн кертыда, но тыгодым кӧлан йодышым пуынеда – ончыкташ ида мондо. Йодышдам тудлан ончыктена.

Нажмите на изображение, чтобы его изменить

Тенийлан лӱмгече

 
20 октябрьыште
Марий АССР-ын сулло арт.
(1926-1982) -
90 ий 
 
13 ноябрьыште
Марий АССР-ын калык арт.
(1931-2007) -
85 ий 
 
 




Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)